У Беларусі ВНУ незаконна збірала даныя студэнтаў — умяшаліся дзяржорганы. Вы такія даныя, імаверна, таксама давалі
На праблему ўказаў адзін са студэнтаў, які западозрыў нядобрае. Незвычайны прэцэдэнт адбыўся ў Беларусі, калі малады чалавек прыйшоў падаваць дакументы ў ВНУ.
Пры паступленні ў студэнта запатрабавалі ўказаць звесткі аб яго месцы і даце нараджэння, нацыянальнасці, а таксама дату нараджэння і месца працы бацькоў.
Герой гэтай гісторыі з падазрэннем паставіўся да такой практыкі, таму звярнуўся ў Цэнтр персанальных звестак, заўважыла Tochka.by.
Як аказалася, зрабіў ён гэта не дарма, бо ўжо ў пачатку разбору высветлілася, што такая практыка супярэчыць беларускаму заканадаўству.
Справа ў тым, што ў законе аб адукацыі практыка даваць такой інфармацыі не прадугледжана. Акрамя таго, спецыялісты вызначылі, што апрацоўка вышэйназваных даных не адпавядае закону аб персанальных даных.
ВНУ было накіравана апавяшчэнне, каб інфармацыя была выдаленая, і папярэджанне аб тым, што неабходна пазбягаць такой практыкі ў будучыні.
Якую інфармацыю нельга збіраць школам
Раней Нацыянальны цэнтр абароны персанальных звестак прапрацаваў з Міністэрствам адукацыі пытанне аб зборы інфармацыі аб планах вучняў на канікулы.
У цэнтры падкрэслілі, што ўстановы адукацыі не могуць збіраць даныя аб тым, дзе школьнікі маюць намер праводзіць вольны ад вучобы час.
Як правіла, у такіх анкетах просяць пазначыць прозвішча, імя, імя па бацьку, ступень сваяцтва і кантакты чалавека, з якім будзе заставацца дзіця. Даведвацца пра гэтую інфармацыю таксама забаронена.
Каментары