Жыхары прымежнай польскай вёскі выступілі супраць вышкі для назірання за Беларуссю
Амаль усе жыхары польскай вёскі Хамантоўцы (гэта за 150 метраў ад мяжы з Беларуссю) падпісалі ліст супраць будаўніцтва назіральнай вышкі побач са сваімі дамамі. Аб канфлікце піша Most са спасылкаю на тэлеканал TVP3 Białystok.
Пагранічнікі плануюць размясціць у Хамантоўцах 70-метровую вышку, каб пры дапамозе аптычных і электронных устройстваў назіраць за прылеглай тэрыторыяй Беларусі.
Мясцовыя жыхары такім рашэннем незадаволены. Яны хочуць, каб памежная служба выбрала для вышкі месца далей ад вясковых дамоў.
— Мы шукалі цішыні і спакою, але гэта [будаўніцтва вышкі] усё нам разбурае, — сказала жыхарка вёскі, побач з домам якой павінна з'явіцца вышка.
Падпалкоўнік Анджэй Юзвяк з Пагранслужбы паведаміў тэлеканалу, што ведамства старанна падышло да выбару месцаў для будаўніцтва вышак.
— Выбару гэтых месцаў папярэднічаў удумлівы аналіз, пры якім прымаліся да ўвагі асаблівасці рэльефу, прававы статус нерухомасці, патэнцыйнае поле назірання і ўзаемнае размяшчэнне вышак, каб максімальна пакрыць тэрыторыю візуальным назіраннем, — напісаў падпалкоўнік.
Паводле яго слоў, вышкі не будуць уплываць на навакольнае асяроддзе. На іх плануецца ўстанавіць толькі камеры назірання, а таксама чырвоныя агні светлавой агароджы для прадухілення сутыкнення з лятальнымі апаратамі.
Усяго ў раёне польска-беларускай мяжы збіраюцца ўсталяваць пяць такіх вышак.
Цяпер чытаюць
Арына Сабаленка выйшла да мінчукоў у атачэнні васьмі ахоўнікаў ВІДЭА19
Каментары
я вижу в этом только шкурный интерес, связанный с контрабандой чего-либо.
а погранслужба сделает правильно, если наплюет на это письмо ввиду вопроса госбезопасности. а еще лучше обратить более пристальное внимание на то, чем именно они там занимаются.