Гістарычныя будынкі пазбавілі статусу, калі рыхтаваліся да Дня беларускага пісьменства.
Паводле інфармацыі тэлеграм-канала «Спадчына», за апошнія месяцы ў гістарычным цэнтры горада былі знішчаны два драўляныя будынкі пачатку XX стагоддзя на рагу Савецкай і Паштовай вуліц.
Першы будынак — колішняя крама 1912-1914 гг. пабудовы па вуліцы Савецкай, 34 — быў знесены ў пачатку лютага, другі — колішняя карчма 1911-1914 гг. па Савецкай, 36 — у аўторак, 18 сакавіка.
Зачыстка гістарычнай забудовы адбываецца ў межах добраўпарадкавання горада да абласных «Дажынак», якія Заслаўе прыме сёлета.
Свята працаўнікоў сяла ўжо не адно дзесяцігоддзе канчаецца для райцэнтраў адчувальнымі стратамі гістарычнай забудовы, якая выглядае для чыноўнікаў недастаткова прывабна.
Між тым гэтыя два будынкі па Савецкай вуліцы яшчэ дзесяць гадоў таму афіцыйна лічыліся гісторыка-культурнымі каштоўнасцямі. Абодва дамы былі ўключаны былі ўзяты пад ахову яшчэ ў 1994 годзе, у Дзяржаўны спіс перанесены ў 2007 годзе.
Пазбавілі іх ахоўнага статусу ў 2014 годзе, калі горад рыхтавалі да іншага свята, Дня беларускага пісьменства.
Згодна з Кодэксам аб культуры, пазбавіць помнік статусу можна, калі ён быў знішчаны або страціў адметнасці, якія абумовілі яму наданне статусу, і немагчымае ягонае навукова абгрунтаванне аднаўленне. Паколькі будынкі з 1994 года, калі яны атрымалі статус, ніяк не змяніліся, а іх выгляд добра вядомы, выключэнне са спісу выглядае незаконным.
«Наша Нiва» — бастыён беларушчыны
ПАДТРЫМАЦЬЦяпер чытаюць
У Полк Каліноўскага на тыдзень пралез міліцэйскі стукач. Цяпер яго выкрылі, і добра відаць, хто спрабуе абяліць агента40
Каментары