Былы дыпламат і былы дэпутат Савіных уляпаўся ў партыю Гайдукевіча
Андрэй Савіных ціха і непрыкметна стаў намеснікам Алега Гайдукевіча. Пасада няўдзячная: двое яго папярэднікаў апынуліся за кратамі.
Былы дыпламат і дэпутат Андрэй Савіных незаўважна знайшоў сабе новую працу. Экс-пасол Беларусі ў Турцыі прыйшоў у якасці эксперта на прапагандысцкае ток-шоу на СТВ. Там Савіных прадставілі як намесніка старшыні Ліберальна-дэмакратычнай партыі, то бок намесніка Алега Гайдукевіча.
Пасаду Савіных атрымаў ціха і непрыкметна. У сацсетках ЛДП да 2024 года ён час ад часу з’яўляўся яшчэ як беспартыйны дэпутат. А ўжо на пачатку 2025 года яго раптам пачалі прадстаўляць як члена цэнтральнага камітэта партыі. Пры гэтым пра прызначэнне Савіных на другую па значнасці пасаду ў ЛДП чамусьці асобна не паведамілі.
Магчыма, сам Савіных баіцца сурочыць, бо праца гэта зусім не ўдзячная. Бліжэйшыя паплечнікі Гайдукевіча і бачныя функцыянеры ЛДП рэгулярна траплялі ў турму. Так было, напрыклад, з намеснікам яшчэ Сяргея Гайдукевіча — Уладзімірам Карунасам: у 2009 годзе дэпутат Мінгарсавета атрымаў пяць гадоў калоніі з канфіскацыяй за карупцыю і махлярства.
Столькі ж у 2019 годзе атрымаў іншы намеснік старшыні ЛДП Сяргей Ярмыкін — яго асудзілі за махлярства ў асабліва буйным памеры. А ў 2021 годзе па тых жа артыкулах аб карупцыі і махлярстве судзілі блізкага паплечніка малодшага Гайдукевіча — Аляксандра Косача. Вынік — 8,5 года калоніі.
Савіных зрабіў кар’еру ў МЗС: ён дарос ад трэцяга сакратара да прэс-сакратара, пасля былі прызначэнні ў пасольства ў Нідэрландах і прадстаўніцтва ў Жэневе, а таксама пасада пасла ў Турцыі і Іраку. Чатыры гады Савіных працаваў дэпутатам Палаты прадстаўнікоў: там ён узначальваў камісію па міжнародных справах і ў гэтым статусе трапляў у няёмкія сітуацыі на сесіях АБСЕ, раптоўна сустракаючыся з прадстаўнікамі беларускіх дэмсілаў. Але на новы тэрмін у парламент Савіных не перапрызначылі.
Цяпер ён у асноўным выступае ў ролі эксперта на дзяржаўным тэлебачанні, дзе з задавальненнем крытыкуе Захад, не гледзячы на тое, што яго дачка жыве і працуе ў Лондане.
Як 2020 год паламаў жыццё Алега Гайдукевіча. Ні сям’і, ні палітычных перспектыў, і толькі той у руцэ
Паплечніка Гайдукевіча судзяць за мільён даляраў. Ён казаў, што не разумее, чаму ЛДП называюць партыяй зладзеяў
Дачка дэпутата Савіных робіць кар'еру ў Лондане, у той час як яе бацька вінаваціць Захад ва ўсіх бедах
Як Франак Вячорка спрабаваў пагутарыць з Андрэем Савіных у Вене, але нічога не выйшла
Дэпутата Савіных у Вене сустрэлі воклічам «Жыве Беларусь»
«Проста істэрычна». Дэпутат Савіных не можа адысці ад прыёму ў Вене
У АБСЕ расіян і беларусаў-лукашэнкаўцаў пасадзілі на задворках, па-за алфавітам
Цяпер чытаюць
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары