Пасля начной атакі расійскіх беспілотнікаў Кіеў і Чаркасы ліквідуюць разбуральныя наступствы: пажары адбыліся ў жылых дамах, згарэлі аўтамабілі, адзін чалавек пацярпеў у Чаркасах, адзінаццаць — у Кіеве.
У сталіцы Украіны дроны ўдарылі па трох раёнах — Абалонскім, Святошынскім і Шаўчэнкаўскім. Як пішуць ратавальнікі, у Абалонскім раёне пажар ахапіў кватэру на апошнім паверсе 12-павярховага дома і распаўсюдзіўся на дах. У іншым месцы загарэліся сем аўтамабіляў каля жылога дома.
У Святошынскім раёне згарэлі тры прыватныя дамы. Пажары ўзніклі ва ўсіх трох адначасова.
У Шаўчэнкаўскім раёне пашкоджана электраапора і дарожнае пакрыццё пад чыгуначным мостам.
Колькасць пацярпелых у Кіеве на ранак нядзелі ўзрасла да 11 чалавек, з іх — 2 дзяцей.
У той жа час у Чаркасах у выніку начнога абстрэлу адбылося пяць розных узгаранняў. Гарэлі кватэры, склад аднаго з прадпрыемстваў, дачны дом.
Асабліва пацярпеў чатырохпавярховы інтэрнат, дзе значныя пашкоджанні атрымалі дзве кватэры, разбітыя вокны ў іншых памяшканнях.
У Чаркасах пацярпела адна жанчына.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары