Германія закрывае расійскае консульства ў Боне і «Рускі дом» у Берліне
Нямецкія ўлады заявілі, што Расія нясе адказнасць за інцыдэнт з беспілотнікамі ў аэрапорце Лейпцыга, які адбыўся ў жніўні. Пра гэта паведаміў міністр унутраных спраў Германіі Аляксандар Добрынт, піша Deutsche Welle.
Паводле слоў Аляксандра Добрынта, да такой высновы прыйшлі пасля вывучэння канструкцыі беспілотнікаў і асобных кампанентаў, якія выкарыстоўваліся падчас іншых гібрыдных інцыдэнтаў. Нямецкая разведка таксама выявіла людзей, якія, як мяркуецца, дзейнічалі па даручэнні расійскіх дзяржаўных структур.
Добрынт заявіў, што планаванне атакі было прафесійным, але непасрэдна яе выкананнем займаліся агенты ніжэйшага ўзроўню. Ён таксама папярэдзіў, што Германія можа стаць мішэнню новых гібрыдных атак з боку Расіі.
У адказ Германія закрые генеральнае консульства Расіі ў Боне да 18 верасня і скасуе пагадненне аб дзейнасці «Рускага дома» ў Берліне.
Па словах міністра замежных спраў Германіі Ёгана Вадэфуля, Германія ўзмоцніць кантроль за ўездам грамадзян Расіі, а расійскага амбасадара выклічуць для тлумачэнняў. Таксама ўрад плануе прыняць дадатковыя меры ў сферы працы спецслужбаў, умацавання ўласнай абароназдольнасці і стрымлівання Расіі.
Вадэфуль падкрэсліў, што Германія і надалей будзе рашуча падтрымліваць Украіну.
У Маскве ўжо заявілі, што адкажуць на антырасійскія рашэнні Германіі. Прадстаўніца МЗС Расіі Марыя Захарава заявіла, што на ўсе такія меры Расія дасць адказ.
Кіраўніцтва НАТА выказала поўную салідарнасць з Германіяй. Генеральны сакратар альянсу Марк Рутэ заявіў, што НАТА будзе і надалей умацоўваць здольнасць абараняць краіны-саюзніцы ад падобных пагроз.
Інцыдэнт, які стаў непасрэднай нагодай для такіх дзеянняў, адбыўся 4 жніўня ў аэрапорце Лейпцыга. Паводле інфармацыі нямецкіх СМІ, некалькі беспілотнікаў маглі ўдзельнічаць у спробе атакі на ўкраінскі грузавы самалёт Ан-124. Адзін дрон з выбухоўкай знайшлі недалёка ад украінскіх грузавых самалётаў, а другі, верагодна, урэзаўся ў грузавы самалёт DHL.
Германія рыхтуецца афіцыйна абвінаваціць Расію ў падрыхтоўцы атакі ў Лейпцыгу і ўвесці «маштабныя санкцыі»
Дрон з выбухоўкай знайшлі каля ўкраінскага грузавога самалёта ў аэрапорце Лейпцыга
Кіраўнік ЦРУ прылятаў у Маскву, каб папярэдзіць Расію аб недапушчальнасці атакі на краіны Балтыі — Politico
Расія сцягвае вайсковы флот у Балтыйскае мора пасля пагроз Пуціна ў бок Еўропы
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары