Кадыраў таксама кепска бачыць, але не носіць акуляры. У кадр трапілі паперы, з якіх ён чытаў
Учора кіраўнік Чачні Рамзан Кадыраў сустракаўся з расійскім прэзідэнтам Уладзімірам Пуціным. На відэа сустрэчы відаць, што Кадыраў увесь даклад чытае з лістоў папер, якія трымае ў руках. Як і Лукашэнка, Кадыраў адмаўляецца ад акуляраў.
Тэкст на паперах набраны буйным шрыфтам, заўважыла «Агентство». Тэкст пачынаецца з звароту «Паважаны Уладзімір Уладзіміравіч», якое Кадыраў таксама чытае з ліста.
Сустрэчу Пуціна і Кадырава ў сераду чакалі ў сувязі са зробленай днём раней заявай кіраўніка Чачні аб яго магчымай адстаўцы. У пратакольнай частцы сустрэчы будучыня Кадырава на пасадзе кіраўніка рэгіёну не абмяркоўвалася. Пры гэтым кіраўнік Чачні ў пасце аб сустрэчы ў сваім тэлеграм-канале адзначыў, што шэраг важных тэм абмяркоўваліся па-за пратаколам, і «па кожным [пытанні Кадыраў] атрымаў поўнае разуменне і падтрымку».
Каментары