Пацярпелі трое чалавек, а шкода можа ацэньвацца ў мільёны даляраў.
Надзвычайнае здарэнне заўважыла выданне «Флагшток».
Па інфармацыі буравой кампаніі «НУБК», пажар на буравой вышцы на радовішчы «Харапурнафтагазу», дзе вяла працы кампанія «Беларуснафта-Сібір», пачаўся 10 мая ў 23:25 па мясцовым часе і працягваўся ўсю ноч. Прычынай інцыдэнту стала ўзгаранне газу, які паступае праз свідравіну.
Узгаранне дагэтуль не ўдалося цалкам ліквідаваць — на месцы працягваюць гарэць два факелы вышынёй каля 25 метраў.
У выніку пацярпелі трое чалавек. Пацярпелыя знаходзяцца ў рэанімацыі ў цяжкім стане.
Кошт такой буравой вышкі, як звяртае ўвагу выданне, складае 10-30 млн даляраў.
«Беларуснафта-Сібір» займаецца свідраваннем, капітальным рамонтам разведвальных і эксплуатацыйных свідравін на паўвостраве Ямал. Большасць персаналу, які працуе вахтавым метадам, з'яўляюцца грамадзянамі Беларусі.
«Беларуснафта» пакуль не пракаментавала здарэнне.
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я2
Каментары