У суботу стартаваў 20-ты чэмпіянат Беларусі па футболе ў вышэйшай лізе.
У суботу, 3 красавіка, стартаваў 20-ты чэмпіянат Беларусі па футболе ў вышэйшай лізе.
12 камандаў згуляюць у тры колы/кругі – такім чынам кожны з клубаў правядзе 33 матчы, а першынство скончыцца 20 лістапада.
Першы тур адкрываўся матчам у Жодзіне паміж «Тарпеда» і шасціразовым чэмпіёнам краіны барысаўскім БАТЭ. БАТЭ перамог 1:0.
Адзіны мяч у сустрэчы забіў бразільскі легіянер барысаўскага клуба Рэнан Брэсан (71-я хвіліна). Летась Брэсан, нагадаем, гуляў у «Гомелі», што вылецеў у першую лігу.
Сяміразовыя чэмпіёны краіны – мінскае «Дынама» – перамаглі ў гасцях дэбютанта гэтага сезона бабруйскую «Белшыну» (летась каманда выступала ў першай лізе) -- 2:0 (Страхановіч, 24, Гаўрушка, 71). Матч прайшоў у Магілёве, бо арэна ў горадзе над Бярэзінай пакуль не гатова.
У Мінску на стадыёне «Дынама» сустрэліся ФК «Мінск» – для «гараджан» гэта хатняя арэна – і магілёўскі «Дняпро». Мінчукі перамаглі – 2:1.
Адкрыў лік на 22-й хвіліне івуарыец Таіна Адама Саро, на 71-й Дзмітры Клімовіч лік падвоіў, Андрэй Лясюк на 4-й дадзенай хвіліне матчу забіў гол прэстыжу.
«Дынама» Брэст – «Шахцёр» Салігорск – 1:1. Гадунцы Эдуарда Малафеева адкрылі лік у матчы: вызначыўся Мікалай Рындзюк, але гаспадары лік змаглі зраўняць. Вызначыўся украінскі легіянер «Дынама» Віталь Беразоўскі.
«Нафтан» – «Партызан» – 1:0 (Палітэвіч, 31-я). Матч прайшоў у Віцебску. Прычыны ж тыя, што і ў Бабруйску.
«Нёман» – «Віцебск» – 0:0.
2-гі тур пройдзе 10 красавіка (субота).
БАТЭ згуляе ў Барысаве з дэбютантам гэтага сезона, але чэмпіёнам краіны 2001 года «Белшынай», а ў Мінску пройдзе першае дэрбі: «Дынама» – «Мінск».
БАТЭ завітае ў сталіцу 14 красавіка. На стадыёне «Дынама» пройдзе гульня з «Мінскам». Кіраўніцтва «Мінска» дэкларавала, што ўваход на хатнія матчы будзе бясплатным.
***
У сёлетнім чэмпіянаце бярэ ўдзел 51 легіянер.
Найбольшае прадстаўніцтва ў Расіі – 12, у Літвы і Украіны – па 10, Грузіі – 5, Латвіі і Бразіліі – па 4, Кот Д’Івуара – 2, па адным легіянеры маюць Арменія, Францыя, Малдова, Гвінея.
Самы легіянерны клуб – брэсцкае «Дынама» (7 чалавек), у «Белшыны» – 6 гульцоў, у «Нёмана», «Віцебска», «Партызана» – 5, БАТЭ, мінскага «Дынама», «Дняпра», «Мінска» – 4, у «Нафтана» – 3, Найменшая колькасць легіянераў – у «Тарпеда» і «Шахцёра» – па 2. Клубаў, што не маюць замежных гульцоў, няма.
Цяпер чытаюць
У Мінску памёр адзін з самых вядомых забойцаў Расіі. Ён жыў пад чужым іменем і стаў пісьменнікам-фантастам5
Каментары