Месяц таму адбыліся затрыманні топ-менеджараў Мазырскага нафтаперапрацоўчага завода, але ніякай афіцыйнай інфармацыі пра гэта так і не з'явілася. «Флагшток» даведаўся з крыніцаў, звязаных з заводам, што вядома пра сітуацыю на гэты момант.
Па звестках крыніцы, некалькіх затрыманых адпусцілі. Сярод іх — начальнік юрыдычнай службы Ігар Драгель. На прадпрыемстве першапачаткова меркавалі, што «ён выкруціцца» — так і адбылося. Цяпер Драгель праходзіць па карупцыйнай справе як сведка і працуе як і раней.
Таксама сталі вядомыя прозвішчы яшчэ некалькіх затрыманых на НПЗ. Акрамя дырэктара дырэкцыі па рэканструкцыі і развіцці Аляксандра Гуда была ўзятая пад варту і яго жонка. Яе прозвішча назваў «Рабочы рух»: эканаміст Наталля Мішкова.
Яшчэ адзін затрыманы — намеснік генеральнага дырэктара па матэрыяльна-тэхнічным забеспячэнні Сяргей Трунін.
Акрамя таго, паводле звестак «Рабочага руху», сілавікі затрымлівалі і некалькіх былых топ-менеджараў завода. Гэта экс-намеснік генеральнага дырэктара па матэрыяльна-тэхнічным забеспячэнні Максім Дворак і былы галоўны інжынер прадпрыемства Сяргей Тукач.
Цікава, што самая вышэйшая службовая асоба з ліку затрыманых — цяперашні галоўны інжынер Сяргей Грамовіч — па-ранейшаму значыцца на сайце на гэтай пасадзе.
-
«Белавія» адмяніла рэйс у Тэль-Авіў. А ў Доху адправяць пусты самалёт, які забярэ беларускіх турыстаў
-
Руку мінчанкі зацягнула ў цестараскатвалку: вызваляць жанчыну давялося з дапамогай бензарэза
-
Замест штрафу за самагон — крымінальная справа: на Случчыне жанчына распіхала хабар па кішэнях участковым пакуль яе здымалі на камеру
Каментары