Грамадства22

У Крычаве выканкам збірае данаты на новыя прыпынкі

У Крычаве Магілёўскай вобласці старшыня райвыканкама Аляксей Шарай праз TikTok заклікаў мясцовых жыхароў і арганізацыі сабраць грошы, каб паставіць новыя аўтобусныя прыпынкі. Шмат хто абурыўся просьбе — а дзе бюджэтныя сродкі?

Заклік скінуцца на прыпынкі прагучаў у відэа, апублікаваным у сацсетках выдання «Кричевская жизнь». У ім старшыня Крычаўскага райвыканкама Аляксей Шарай паведаміў, што ў раёне працягваецца збор грошай на ўстаноўку новых прыпынкаў грамадскага транспарту і папрасіў грамадзян далучыцца. 

«На сёння сабрана каля 31 тысячы рублёў. Просьба ўсім — як грамадзянам, так і прадпрыемствам і арганізацыям — прыняць актыўны ўдзел у зборы сродкаў. Любая сума будзе вітацца», — сказаў Шарай у сваім звароце.

@krichevliveby ❗️Алексей Шарай, глава Кричевского района, призывает кричевлян ответственно относиться к наведению порядка на придомовой территории #Беларусь #Кричев #наведениепорядка #придомовыетерритории #порядок #рекомендации #белорусскийтикток #беларускіцікток ♬ оригинальный звук - ⚡️Кричевский компот⚡️

Пад відэа размешчаны рэквізіты для пераводу грошай — рахунак УКПП «Камунальнік», які адказвае за ЖКГ у Крычаве і раёне. У прызначэнні плацяжу просяць пазначыць: «Дапамога на добраўпарадкаванне горада».

Ініцыятыва мясцовых уладаў выклікала дыскусію ў каментарах. Многія выказалі абурэнне — чаму фінансаванне базавых інфраструктурных патрэб кладзецца на плечы грамадзян? Гэта ж адна з функцый мясцовых органаў улады, якая фінансуецца з бюджэту, у тым ліку за кошт падаткаў людзей. 

«Вось так вось і жывём, падаходны падатак, прафсаюзны, пенсійны, падатак за нерухомасць, зямлю, транспартны падатак, падатак за жывёл, на пошту ідзеш плаціць камуналку альбо на мабільны пакласці — заплаці камісію, дзіцячы сад аплаці, за падручнікі плаці, і г. д, за ўсё плацім, мала яшчэ — просяць на прыпыначныя павільёны, проста няма слоў, адны эмоцыі».

«Прапаную заканадаўча плаціць за паветра… 30% нашых заробкаў пойдуць нам на карысць, бацька ведае, куды іх патраціць».

«А вы ЖКГ аштрафуйце за някошаную траву, толькі не на 20 б.в. як прыватны двор, а ў пяціразовым памеры за кожны лішні сантыметр, вось і будуць вам грошы на добраўпарадкаванне горада!»

«Дзяржава з мяне штомесяц падаходны падатак атрымлівае, з якога ніта я яму яшчэ нешта вінен?» — «Скажу больш: яшчэ і з кожнай вашай пакупкі ў краме дзяржава атрымлівае ПДВ». 

«Прашу вышэйстаячых чыноўнікаў пабудаваць прыпынкі за кошт работнікаў райвыканкама, пазбавіць іх прэмій, а сродкі накіраваць на павільёны».

«А я збіраю на дачу. Плачу сумленна падаткі. Мне райвыканкам не дапамагае зусім!»

«А навошта тады дзяржава падаткі збірае і кожны год новыя прыдумляе?» — «На заробкі міністраў». — «Сям'я ж расце. А на гэта трэба больш золата».

«Можа лепш дзеткам дапамагчы са зборамі на вакцыны??? А прыпынкі пачакаюць». 

«Людзі ў садок здаюць грошы, у школы, у бальніцы плацяць, а тут яшчэ на прыпынкі давай».

«А потым скінемся і купім аўтобусы, і адразу падымуць цану за праезд», — пішуць у каментарах. 

Каментары2

  • класік
    11.06.2025
    А Рыжанкоў і лука будуць вам расказваць пра заняпад на захадзе - але чамусьці на захадзе ніхто грошы на прыпынкі праз тыкток не сабірае ;)
  • даведка
    11.06.2025
    Пусть часы продаст председатель райисполкома и откажется от служебного авто.

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць