У вёсцы Вяляцічы Плешчыцкага сельсавета выявілі выпадак шаленства ў дзікай лісы. Жывёліна зайшла ў населены пункт і напала на свойскага сабаку, укусіўшы яго.
Мясцовыя жыхары адразу паведамілі пра гэта ў Пінскую раённую ветстанцыю, праведзеныя лабараторныя даследаванні пацвердзілі наяўнасць у лісы віруса шаленства.
У сувязі з гэтым Пінскі райвыканкам абвясціў вёску небяспечнай па шаленстве і ўвёў тут каранцін.
Цяпер у населеным пункце дзейнічаюць спецыяльныя меры: устаноўленыя абмежаванні, праводзіцца прафілактыка, каб прадухіліць распаўсюджванне захворвання. Ветэрынары шукаюць людзей, якія маглі кантактаваць з хворым зверам, і арганізоўваюць тэрміновую вакцынацыю.
Таксама спецыялісты кантралююць, як жыхары выконваюць правілы ўтрымання свойскіх жывёл — ці зарэгістраваныя яны, ці прышчэпленыя і як выгульваюцца.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары