З ААЭ ў Нідэрланды экстрадавалі былога гульца маскоўскага «Спартака». На радзіме яму пагражае сем гадоў турмы
Былога футбаліста маскоўскага «Спартака» Куінсі Промеса экстрадавалі з Дубая. Яго пасадзілі на самалёт, зафрахтаваны судовымі органамі, піша De Telegraaf са спасылкай на крыніцы.
Падчас палёту яго ахоўваюць супрацоўнікі нідэрландскай ваеннай паліцыі. У Нідэрландах Промеса змесцяць у следчы ізалятар — ён завочна прысуджаны да 7,5 года турэмнага зняволення.
Квінсі Промес выступаў за «Спартак» з 2014 года. У 2023 годзе суд у Нідэрландах завочна прысудзіў Промеса да 1,5 года пазбаўлення волі за нажавое раненне, якое ён нанёс свайму стрыечнаму брату на вечарынцы ў 2020 годзе.
Потым Промесу вынеслі яшчэ адзін завочны прысуд — шэсць гадоў пазбаўлення волі па справе аб кантрабандзе наркотыкаў. Паводле версіі абвінавачвання, футбаліст удзельнічаў у кантрабандзе 1350 кілаграмаў какаіну праз порт Антвэрпэна.
Промес на момант завочнага арышту знаходзіўся ў Дубаі, куды ён з'ехаў у студзені 2024 года разам са «Спартаком» на зборы. Аднак вылецець назад у Расію з камандай ён не змог. 12 чэрвеня 2025 года Промеса затрымалі ў Дубаі на запыт ніідэрландскіх уладаў аб экстрадыцыі.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны38
Каментары