У выніку начной атакі на Сумшчыну загінулі тры чалавекі, шасцёра параненых
У выніку ўдараў ударнымі беспілотнікамі РФ на Сумшчыне тры загінулыя, сярод іх дзіця, шасцёра параненых, сярод якіх трое дзяцей, каля 30 дамоў пашкоджаныя, паведамляе «Украінская праўда» са спасылкай на паліцыю.
Прыблізна апоўначы расійскія войскі здзейснілі масіраваную атаку ўдарнымі БпЛА па адной з вёсак Верхнясыраватскай абшчыны Сумскага раёна.
«У выніку варожай атакі загінулі трое мірных жыхароў. Сярод іх — 8-гадовы хлопчык, якога дасталі з-пад завалаў разбуранага дома. Таксама загінулі жанчына і мужчына з розных сем’яў. Яшчэ шасцёра людзей, з іх трое дзяцей, атрымалі раненні рознай ступені цяжкасці. Усіх пацярпелых шпіталізавалі, ім аказваецца неабходная дапамога».
У выніку атакі пашкоджаныя каля 30 жылых дамоў і чатыры аўтамабілі.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі84
Каментары