На вуліцы Валгаградскай у Мінску пачалі зносіць старыя карпусы завода «Агат», якія стаялі там з 1950-х гадоў. На іх месцы плануюць узвесці сучасны жылы комплекс, піша Onliner.
На вуліцы Валгаградскай у Мінску пачалі зносіць старыя карпусы завода «Агат», што існавалі тут з 1950-х гадоў. Гэтае прадпрыемства — адзін з былых флагманаў савецкай электроннай прамысловасці, электрамеханічны завод, які раней уваходзіў у склад ваенна-прамысловага комплексу. Цяпер яго будынкі хутка знікаюць з карты горада — тэхніка ўжо ламае сцены, а на месцы вытворчых цэхаў — кучы будаўнічага смецця.
На тэрыторыі плошчай 11 гектараў з'явяцца дзевяць 10-павярховых дамоў — усяго 1180 кватэр. Жыллё будуць будаваць па індывідуальных праектах, а не паводле масавых тыпавых серый.
У комплексе таксама прадугледжаны дзіцячы садок, грамадскія аб’екты, шматузроўневыя паркінгі і двары без машын — для зручнасці і абароны ад шуму і пылу з магістраляў.
Кватэры ў першую чаргу будуць прапанаваныя тым, хто мае патрэбу ў паляпшэнні жыллёвых умоў. Але, улічваючы прэстыжнае месцазнаходжанне — каля метро «Маскоўская» і недалёка ад праспекта Незалежнасці, — частка жылля, верагодна, трапіць і ў вольны продаж.
Праект пачалі распрацоўваць яшчэ восем гадоў таму, але доўгі час не знаходзіўся інвестар, гатовы ўкласці мільёны долараў у набыццё зямлі і знос старых будынкаў. Да ідэі вярнуліся толькі ў 2023 годзе, ужо з гатовым планам забудовы.
Хто менавіта будзе займацца будаўніцтвам, пакуль не паведамляецца — вядома толькі, што гэта дзяржаўны забудоўшчык.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца8
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары