Беларускі кінарэжысёр і сцэнарыст памёр пасля працяглай хваробы ў дзень свайго нараджэння, 26 чэрвеня. Пра смерць паведаміў Беларускі саюз кінематаграфістаў

Валерый Рыбараў нарадзіўся 26 чэрвеня 1939 года ў расійскім Саратаве. З 1959 года працаваў на кінастудыі «Беларусьфільм» — спачатку як асістэнт рэжысёра, пазней — як рэжысёр.
Этапным фільмам у творчым лёсе кінематаграфіста стаў дакументальны фільм «Тонежскія бабы» (1977). Фільм прысвечаны лёсамі трох жыхарак вёскі і захаванаму ў першародным выглядзе ўнікальнаму абраду сустрэчы вясны ў вёсцы Тонеж Лельчыцкага раёна.
Зняў мастацкія фільмы «Жывы зрэз» (1978), «Чужая бацькаўшчына» (1982) і «Сведка» (1985).
Знятая ім моладзевая драма «Мяне завуць Арлекіна» (1988, па п'есе вядомага расійскага журналіста Юрыя Шчакачыхіна, які быў адным з аўтараў сцэнару) стала самым касавым айчынным фільмам за ўсю гісторыю беларускага кіно: за 12 месяцаў пракату карціну паглядзела 41,9 мільёна гледачоў.
-
Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі
-
Вольныя Купалаўцы паставяць спектакль у Вільні
-
«Дайце круглую суму і год — будзе вам любы шэдэўр Мікеланджэла!» Улады запатрабавалі перарабіць «Быхаўскую мадонну». Аўтар падточвае яе балгаркай
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары