Названы стадыён, дзе зборная Беларусі прыме Шатландыю і Данію ў кваліфікацыі чэмпіянату свету — 2026
Адборачныя намінальна дамашнія матчы чэмпіянату свету 2026 года па футболе Беларусь — Шатландыя 8 верасня і Беларусь — Данія 9 кастрычніка пройдуць у Венгрыі.
УЕФА пацвердзіў, паядынкі адбудуцца ў Залаэгерсеге на «ZTE-Арэне», піша football.by
Таксама ў групе з камандай Карласа Алоса акрамя Шатландыі і Даніі выступіць зборная Грэцыі.
На гэтай арэне беларусы правялі летась тры матчы ў рамках Лігі нацый і тройчы згулялі ўнічыю: па 0:0 з Балгарыяй і Паўночнай Ірландыяй, а таксама 1:1 з Люксембургам.
Таксама ў Венгрыі пройдуць намінальна дамашнія матчы кваліфікацыі еўракубкаў для беларускіх клубаў.
Так мінскае «Дынама» ў першым раўндзе кваліфікацыі Лігі чэмпіёнаў згуляе супраць балгарскага «Лудагорца» ў Мезёкёвешдзе 16 ліпеня.
У Лізе канферэнцый «Нёман» сыграе з армянскім «Урарту» ў Дзьёры 17 ліпеня, а брэсцкае «Дынама» з чарнагорскай «Суцьескай» у згаданым вышэй Залаэгерсеге.
«Тарпеда-БелАЗ» з паўночнамакедонскімі «Работнічкамі» 10 ліпеня ў Самбатхэі.
Пасля ўварвання Расіі ва Украіну на беларускі футбол былі накладзеныя невялікія санкцыі, у адрозненне ад Расіі ад футболу не адлучылі, але зборныя і клубы міжнародныя матчы павінны праводзіць на нейтральным полі ў адсутнасць гледачоў. Беларусы ў асноўным гуляюць у Венгрыі, а таксама гулялі ў Сербіі, Арменіі, Турцыі, Грэцыі і Чарнагорыі.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»2
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць99
Каментары