Пачынаюцца зборы тэрабароны ў Маладзечанскім раёне і Кастрычніцкім раёне Мінска
З 2 верасня праводзяцца планавыя вучэбныя зборы з ваеннаабавязанымі для тэрытарыяльных войскаў Маладзечанскага раёна і Кастрычніцкага раёна Мінска, паведамляе Мінабароны.
Мэта збораў — павысіць навыкі службовых асоб выканаўчых камітэтаў у фарміраванні воінскіх часцей тэрытарыяльных войскаў, а ваеннаабавязаных — у выкананні задач па прызначэнні.
Плануецца правесці прыём ваеннаабавязаных тэрытарыяльных войскаў і іх забеспячэнне з задзейнічаннем мясцовай базы мабілізацыйнага разгортвання; аднаўленне навыкаў каманднага складу тэрытарыяльных войскаў у кіраванні падначаленымі; падрыхтоўку ваеннаабавязаных да выканання задач тэрытарыяльнай абароны.
Мінабароны паведамляе, што афіцэры, прапаршчыкі, сяржанты і салдаты павысяць свае навыкі ў тактычнай і агнявой падрыхтоўцы, выканаюць практыкаванні па кіраванні агнём артылерыі і навучальныя стрэльбы на палігонах.
Зборы завершацца камандна-штабным вучэннем.
Цяпер чытаюць
«Дагэтуль задаюся пытаннем, чым Пратасевіч мяне зачараваў». Вялікае інтэрв'ю Соф'і Сапегі — частка другая6
Каментары