«Russki o*ueli». Таксіст у Вільні адмовіўся везці расійскую журналістку
Расійская журналістка Юлія Дудкіна, якая жыве ў Літве з дазволам на жыхарства, увечары 5 верасня сутыкнулася з тым, што кіроўца таксі сэрвісу Bolt адмовіўся яе везці і з'ехаў — мяркуючы па яго паведамленні, гэта звязана з яе нацыянальнасцю, якую таксіст «адгадаў» па імені ў дадатку, расказвае праект «Волна».
Каля гадзіны ночы Юлія, галоўная рэдактарка выдання «Каса Медыя», выклікала таксі ў цэнтры Вільні, каб паехаць дадому. Калі таксі прыехала, яна націснула кнопку ў чаце з кіроўцам «Я хутка буду». Гэтыя паведамленні аўтаматычна перакладаюцца. Юлія патлумачыла «Волне», што яна ў прынцыпе размаўляе з кіроўцамі таксі ў Літве па-літоўску або па-ангельску.
У адказ на гэта яна атрымала паведамленне ад таксіста Марцінаса: «russki ohueli», — пасля чаго кіроўца з'ехаў. Спробы датэлефанавацца былі беспаспяховымі. Грошы пры гэтым спісаліся.
Верагодна, кіроўца «адгадаў» нацыянальнасць і мову Юліі па інтэрфейсе прыкладання, дзе яна паказаная як Julia Dudkina. Карыстальніцкі рэйтынг у яе, дарэчы, 5.0.
У службе падтрымкі Bolt Юліі паведамілі: «Гэта вельмі непрыемная сітуацыя. Паводзіны кіроўцы недапушчальныя, і менавіта таму мы пачалі ўнутранае расследаванне». Пазней з ёй звязаліся і паведамілі: «Унутранае расследаванне завершана, былі прыняты адпаведныя меры ў рамках працэдур кампаніі, і ў будучыні гэты кіроўца больш не будзе трапляцца вам у паездках». Грошы ёй вярнулі.
Цяпер чытаюць
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Трэба беларускім медыя браць прыклад і назвацца нейк у тым жа трэндзе кшталту "Незалежная каса". Праваабаронцам можна "Душэўная каса". Офісу Ціханоўскай - "Галоўная каса".