«Букет ад Сяргея, торт ад дзяцей і праца»: як Святлана Ціханоўская адзначае свой 43-ці дзень нараджэння
Сёння, 11 верасня, у Святланы Ціханоўскай дзень нараджэння. Ёй споўнілася 43 гады. Але гэты дзень яна праводзіць у працы — удзельнічае ў міжнароднай канферэнцыі «Беларусь і беларусы ў часы геапалітычных нестабільнасцяў: глабальныя ўспрыманні і ўнутраныя рэаліі». Тым не менш «Белсат» змог задаць ёй некалькі пытанняў.
— Як вы адзначалі дзень нараджэння ў апошнія некалькі гадоў і як збіраецеся святкаваць сёння?
— Наогул, хачу сказаць, што я не вельмі люблю святкаваць свае дні нараджэння. Магчыма, гэта прыходзіць з узростам. Я заўсёды вельмі ўдзячная сябрам, знаёмым, якія арганізоўвалі гэтае свята для мяне. Вядома, апошнія пяць гадоў мая каманда — гэта мая сям'я, і я ўвесь час адчувала сябе акружанай цяплом і клопатам у гэты дзень, як ніколі. Таму святкавалі ў сямейным коле. Сяргей цяпер знаходзіцца ў ЗША, то мы фізічна не можам святкаваць разам. Але ўжо з раніцы я атрымала ад яго вялікі букет кветак, якія мне раніцай прынеслі дзеці. Разам з тортам і падарункамі.
— Які торт ваш самы любімы?
— Паўлава.
— Хто з сусветных лідараў віншуе вас?
— Ёсць палітыкі, якія віншуюць праз сацсеткі, ёсць, якія індывідуальна — відэапасланнямі. Напрыклад, заўсёды віншуюць прэзідэнт Еўрапарламента Роберта Мецола, прэмʼер-міністр Люксембурга Ксаўе Бетэль, старшыня Еўракамісіі Урсула фон дэр Ляен, прэзідэнт Літвы Гітанас Наўседа. Усіх не запомніш.
— Які лепшы падарунак вам калі-небудзь рабілі?
— Вось якая сітуацыя: напэўна мне дарылі вельмі шмат падарункаў за мае 43 гады. Але я матэрыяльныя рэчы не запамінаю. Шчыра — не запамінаю. Заўсёды запамінаеш, як табе гэтае свята арганізоўвалі. Спачатку гэта была мама, якая рыхтавала стол пачастункаў для аднакласнікаў. Потым сябры ва ўніверсітэце, якія рабілі нейкія сюрпрызы. Заўсёды эмоцыі ўспамінаеш. Таму нейкі пэўны падарунак я не ўспамінаю.
Увечары Святлана Ціханоўская збярэцца з сямʼёй і сябрамі, задзьме свечкі на торце і зноў загадае сваё нязменнае жаданне: вызваленне ўсіх палітвязняў і вяртанне дадому ў свабодную Беларусь.
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся23
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары
в память о дне терракта в сша ?