У Беларусі маркетплэйс Wildberries запусціў новы спосаб аплаты — праз крыптавалюту. Пакуль гэта працуе ў тэставым рэжыме і толькі для абмежаванай групы карыстальнікаў.
Аплаты робяцца праз платформу Whitebird, якая атрымала дазвол Парка высокіх тэхналогій. Схема выглядае так: карыстальнік абменьвае крыптавалюту (USDT, BTC, ETH, TRX, TON і інш.) на электронны сертыфікат Wildberries, намінаваны ў беларускіх рублях. Гэты сертыфікат можна выкарыстоўваць толькі для пакупак на маркетплэйсе, вывесці грошы на карту нельга.
Каб набыць сертыфікат, трэба зарэгістравацца на Whitebird і прайсці верыфікацыю. Пасля выбару валюты і сумы сістэма паказвае курс абмену ў рэальным часе. Камісія за куплю сертыфіката не здымаецца.
Пакуль функцыянал працуе на сайце і ў мабільных дадатках Wildberries (iOS і Android) у пілотным фармаце. Паступова ён стане даступны ўсім карыстальнікам.
У кампаніі адзначаюць, што гэта першы праект Wildberries, звязаны з крыптавалютамі. Ён павінен павысіць зручнасць аплаты, развіваць фінтэх-сэрвісы і пашыраць магчымасці карыстальнікаў.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам2
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1414
Каментары