У Магілёве дзед у кавярні даў кіем па галаве мужчыну, што груба і гучна сварыўся з жонкай
У Магілёве 85‑гадовы мужчына некалькі разоў ударыў кіем 58‑гадовага гараджаніна, які гучна спрачаўся з жонкай па тэлефоне ў кавярні. Пацярпелы выклікаў міліцыю.
Скрын відэа
Паводле паведамлення міліцыі, мужчына зайшоў у кавярню, дзе падчас размовы з жонкай пачаў гучна і агрэсіўна сварыцца з ёю па тэлефоне, настойліва даказваючы нешта суразмоўцы.
Яго паводзіны раззлавалі сталага мужчыну, які знаходзіўся за суседнім столікам. Пенсіянер зрабіў заўвагу, а калі яна не падзейнічала, некалькі разоў ударыў шумнага наведвальніка па галаве кіем.
Пацярпелы выклікаў міліцыю, тыя высвятляюць абставіны здарэння.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна5
Каментары