Па Новай Баравой ходзіць мужчына, які пастаянна мяняе абліччы. Хто ён такі?
Жыхары мінскага мікрараёна Новая Баравая ўжо добра ведаюць чалавека, які стаў мясцовай легендай. У сацсетках яго здымкі і відэа разлятаюцца як вірус: то ён у абліччы гопніка з падваротні, то ў строі штурмавіка з «Зорных войнаў». Аказалася, гэта — мастак Валерый Няфёдаў, які захапіўся незвычайным хобі яшчэ сем гадоў таму, піша pristalica.by.
Упершыню пераапрануцца мужчына вырашыў на карпаратыў, прыйшоўшы на яго ў строі «гопніка». Гэты эксперымент яму настолькі спадабаўся, што з часам хобі перарасло ў сапраўдны стыль жыцця. Валерый адкрыў для сябе «эфект маскараду»: калі чалавек надзявае маску ці касцюм, ён можа быць больш свабодным, адкрытым і нават упэўненым.
З таго часу ён неаднаразова з’яўляўся на вечарынках, вяселлях і іншых падзеях у самых розных ролях: вампіра, герояў «Зорных войнаў», Пятра I і іншых. Касцюмы дапамагае ствараць жонка Вераніка, якая шые найскладанейшыя вобразы.
Рэакцыя мінакоў часта бывае нечаканай: большасць робяць выгляд, што нічога незвычайнага не адбываецца, але знаходзяцца і тыя, хто шчыра ўсміхаецца, робіць кампліменты ці паказвае «клас». Асабліва ярка рэагуюць дзеці і будаўнікі на аб’ектах, дзе ён часам праходзіць у касцюме.
Святочнымі падзеямі Няфёдаў не абмяжоўваецца. Ён можа з’явіцца ў касцюме нават у банку ці на бацькоўскім сходзе. Калегі на працы таксама прывыклі: калі Валерый прыходзіць без касцюма, пытаюцца, ці ўсё ў парадку.
На сённяшні дзень у сямейнай «калекцыі» Валерыя каля 50 розных вобразаў, у тым ліку парныя — разам з жонкай. Часам яны бяруць удзел у такіх пераўвасабленнях і разам з сынам, але толькі тады, калі ён сам гэтага хоча.
Валерый падкрэслівае: ягонае хобі не мае камерцыйнай мэты. Ён не вядзе папулярныя блогі і не зарабляе на сваіх касцюмах. Для яго галоўнае — эмоцыі, радасць і магчымасць зрабіць жыццё ярчэйшым.
«Свет і так поўны шэрых фарбаў, таму варта часам рабіць жыццё ярчэйшым нават такімі спосабамі», — гаворыць Няфёдаў.
Насельніцтва Мінска не расце, але паглядзіце, як прыбавілася колькасць жыхароў у Новай Баравой і іншым прыгарадзе
Жыхары «Новай Баравой» выступілі супраць цырка-шапіто ў іх раёне. Чым скончылася?
У Беларусі ёсць чатыры вёскі з насельніцтвам больш за 20 тысяч чалавек. Вось яны
Паўтара дзясятка карцін. Знойдзена самая жывапісная тэраса Мінска
У Новай Баравой будзе новы модны квартал ФОТЫ
Каментары