7 кастрычніка 2025 года ў сталіцы Албаніі, Тыране, адбыўся трагічны выпадак — падчас судовага слухання абвінавачаны застрэліў суддзю, паведамляе Euronews.
Інцыдэнт адбыўся ў апеляцыйным судзе падчас разгляду маёмаснай справы. Паводле інфармацыі паліцыі, 30‑гадовы мужчына адкрыў агонь па суддзі. Той быў тэрмінова дастаўлены ў бальніцу, але выратаваць яго не ўдалося.
Акрамя суддзі, параненыя былі яшчэ двое ўдзельнікаў пасяджэння — бацька і сын. Яны знаходзяцца ў бальніцы, іх жыццю нічога не пагражае.
Паліцыя паведаміла, што нападнік быў затрыманы адразу пасля страляніны. Разам з ім затрымалі ягонага дзядзьку і судовага ахоўніка. Высветлілася, што ахоўнік не правёў асабісты агляд абвінавачанага і яго сваяка, хоць металадэтэктар пры ўваходзе спрацаваў.
Паводле інфармацыі мясцовых СМІ, мужчына адкрыў агонь, бо ведаў, што прайграе справу.
Пасля трагедыі прэм’ер-міністр Албаніі Эдзі Рама назваў здарэнне «жахлівым актам» і заклікаў узмацніць адказнасць за злачынствы з ужываннем зброі. Ён адзначыў, што напад на суддзю патрабуе «максімальна строгай юрыдычнай рэакцыі».
Прэзідэнт Албаніі Байрам Бегай таксама асудзіў напад, назваўшы яго «жудаснай атакай на ўсю судовую сістэму краіны».
Калегі забітага суддзі ўшанавалі яго памяць, усклаўшы кветкі на месцы трагедыі ў Тыране.
Цяпер чытаюць
22‑гадовы Віктар з-пад Клецка пратрымаўся на фронце месяц. А пасля бацькі перасварыліся, дзелячы грабавыя10
Каментары