Беларус пасадзіў у сябе на лецішчы крамны арахіс за 2 рублі. І без ураджаю не застаўся
Жыхар Гродна Вальдэмар даказаў, што ў Беларусі можна вырасціць не толькі бульбу, але і арахіс. Увесну ён купіў у краме ўпакоўку сырых бабовых за два рублі і пасадзіў іх на лецішчы, а потым падзяліўся вынікамі эксперыменту ў сацсетках, піша Blizko.by.
Да восені на ўчастку выраслі кусты, пакрытыя сьпелымі струкамі. Аўтар падзяліўся парадай:
«Без лупінаў садзіцца ў разоры, як бульба, на глыбіню 5‑6 см. У лунку — 4‑5 штук насення. Можна прарасціць. Больш адказаў у інтэрнэце», — напісаў ён у каментарах.
Відэа з ураджаем набрала звыш 32 тысяч праглядаў. Гледачы пацвярджаюць, што вопыт можна паўтарыць:
«Я таксама эксперыментавала. Купіла 0,5 кг арахіса з крамы — сапраўды вырас».
Іншыя карыстальнікі адзначылі, што арахіс ўдала расце нават на падаконніку. А хтосьці з усмешкай дадаў: «У мяне бульба такая сёлета».
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ6464
Каментары