У Мінску ўвядуць новыя спосабы кантролю аплаты платных парковак
Як паведаміў дырэктар дзяржаўнай установы «Паркоўкі сталіцы» Міхаіл Філіпаў, акрамя звычайных камер фіксацыі з’явіцца больш сучасная сістэма — мабільны комплекс, які будзе ездзіць па вуліцах і правяраць, ці аплацілі кіроўцы паркоўку, піша Tochka.by. Атрыманая інфармацыя аўтаматычна паступіць у праграму, дзе правяраецца наяўнасць аплаты.
На тых участках, дзе тэхніку выкарыстоўваць немагчыма, кантроль будуць рабіць супрацоўнікі, якія перамяшчаюцца пешшу. Калі яны пабачаць, што аплаты няма, то на лабавым шкле аўтамабіля пакінуць паведамленне з інфармацыяй пра неабходнасць гэта зрабіць.
Акрамя таго, плануецца ўстаноўка новых камер відэаназірання з аналітычнай сістэмай. Яны будуць счытваць нумары аўтамабіляў пры ўездзе і выездзе з паркоўкі, а кіроўца павінен будзе ў гэты час зрабіць аплату. Пакінуць машыну на платнай паркоўцы без аплаты можна толькі тады, калі знаходзіцца там не больш за 15 хвілін.
Заплаціць за стаянку можна праз SMS, USSD-запыт, сістэму АРІП або сэрвіс «Аплаці». Паводле слоў Міхаіла Філіпава, у бюджэт Мінска штомесяц паступае каля 400 тысяч рублёў ад аплаты парковак, і гэтая сума працягвае расці.
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары