Пазняк папярэдзіў пра агентаў сярод вызваленых палітвязняў і парадаваўся праблемам Ціханоўскай
Ветэран беларускага руху Зянон Пазняк апублікаваў чарговы аналітычны тэкст, у якім выказаў свой погляд на працэс вызвалення палітвязняў з наступнай іх прымусовай высылкай за мяжу, а таксама пракаментаваў «упадак Офіса Святланы Ціханоўскай».
На думку Пазняка, «звязаўшы вызваленне палітвязняў з дэпартацыяй іх за мяжу, рэжым Лукашэнкі разам з іншымі выпускае з турмы сваю агентуру і завербаваных асоб». Задача, якая перад імі ставіцца — «дэзарганізаваць і разбурыць беларускую эміграцыю».
З 52‑х чалавек, якіх вызвалілі з калоній 11 верасня і адразу ж выдварылі за мяжу (за выключэннем Міколы Статкевіча, які выязджаць адмовіўся), па звестках Зянона Пазняка, «паўтузін стабільна засведчаныя ў «залежным стане». Ніводнага прозвішча ён, праўда, не называе, адзначаючы толькі, што «беларускім палітычным актывістам, якія даўно ў палітыцы, яны вядомыя».
Таксама не называючы прозвішча, Пазняк згадвае пра нядаўна прысланае яму відэа, дзе
«нейкі «дыверсант», выпушчаны з лукашысцкай турмы, зрывае шыльду з «Беларускага Дома» ў Варшаве, пагражае пранікнуць і сарваць за плотам «белорусскій флаг» і папсаваць маёмасць».
Ветэран беларускага руху выказвае ўпэўненасць, што «на беларускую нацыянальную палітыку павелічэнне рэжымнай агентуры за мяжой не паўплывае, бо тут пра яе даўно ведаюць». Але «для беларускай эміграцыі ў цэлым гэта лішні чыннік дэзарганізацыі».
Тым не менш, Пазняк лічыць, што палітвязняў вызваляць з турмаў усё адно трэба ўсіх пагалоўна, адно што толькі, акрамя гэтага, «трэба прыпыніць рэпрэсіі і спыніць дэпартацыю вязняў за мяжу без іх згоды».
Але ёсць для гэтага дзеяча і добрыя навіны, звязаныя з «частковым спыненнем фінансавання Офіса Святланы Ціханоўскай». На яго думку, аслабленне канкурэнта адкрывае добрыя перспектывы для яго апанентаў унутры беларускай эміграцыі:
«Упадак ОСЦ можа станоўча паўплываць на беларускія нацыянальныя ініцыятывы ў эміграцыі, на самаарганізацыю, на павелічэнне актыўных беларускіх групаў у рознага роду культурнай, асветніцкай і палітычнай дзейнасці, якія стануць асновай для здаровай нацыянальнай салідарнасці і арганізаванага беларускага руху. Важна тое, што з зачыненнем ОСЦ змяншаецца рыторыка душыць Беларусь (рэальна — народ) эканамічнымі санкцыямі і зачыняецца перспектыва «дружыць» і паўзці «вместе с Россіей».
Пазняк пра ўчынак Статкевіча: Папулізм дзеля стварэння вобразу ідэйнай пазіцыі
Пазняк: Беларусам выгадна перамовы правесці ў Менску
Пазняк жорстка выказаўся пра Каржа: Антыэстэтычнае, антымастацкае шарлатанства, разлічанае на дэгенератыўнае ўспрыняцце
Пазняк перайшоў да абразаў Ціханоўскага: «Істота тарабаніць увесь час»
Зянон Пазняк: Зараз інтарэсы рэжыму ў нейкай ступені супадаюць з нацыянальнымі інтарэсамі
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Пазняк спеўся з Лукашэнкам і не дарма атрымлівае ад яго віншаванні.