У панядзелак, 13 кастрычніка, прэзідэнт ЗША выступіў з урачыстай прамовай у парламенце Ізраіля. «Закладнікі вярнуліся! Як жа добра вымаўляць гэтыя словы», —— сказаў ён.
«Пасля столькіх гадоў войнаў і пагроз — сёння рэгіён спакойны», — адзначыў Трамп.
Ён заявіў пра «гістарычнае світанне новага Блізкага Усходу», сказаўшы: «Мы стаім на парозе аднаго з найвялікшых дыпламатычных дасягненняў», піша Newsru.co.il
У сваю чаргу прэм’ер-міністр Ізраіля Біньямін Нетаньяху адзначыў выбітную ролю Трампа ў вяртанні закладнікаў, якіх утрымлівалі тэрарысты ў Газе. Прэм’ер падзякаваў прэзідэнту ЗША за мноства праізраільскіх крокаў — ад пераносу пасольства ў Ерусалім да падтрымкі Ізраіля ў вайне супраць ХАМАСа, Ірана і хусітаў.
Лідар ізраільскай апазіцыі Яір Лапід заявіў у сваёй прамове, звяртаючыся да Трампа: «Спадар прэзідэнт, вы выратавалі жыцці нашых закладнікаў. Але вы выратавалі значна больш. Вы выратавалі душы тых, хто смуткуе, чые блізкія цяпер будуць пахаваныя ў зямлі Ізраіля. Вы выратавалі тысячы салдат, якія больш не загінуць у баі. Вы выратавалі мільёны ад жахаў вайны. Вы выратавалі значна больш, чым адно жыццё, а кожнае жыццё — гэта цэлы свет».
Цяпер чытаюць
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску27
Каментары