Гомельскія бібліятэкі закупляюць сотні новых кніг — і ніводнай па-беларуску
Дзяржпрадпрыемства «Сетка публічных бібліятэк горада Гомеля» абвясціла электронныя аукцыёны на набыццё новых кніг для дзяцей і дарослых. На закупку з бюджэту выдаткуюць звыш 16,5 тысяч рублёў (больш за 5,5 тысяч даляраў). Выданне «Флагшток» паглядзела спіс кніг у дакументацыі тэндараў і не знайшло ў ім ніводнай кнігі на беларускай мове. Пры гэтым агульная колькасць усіх выданняў — амаль 1 тысяча.
Якімі кнігамі хочуць папоўніць бібліятэчны фонд у Гомелі? Пераважна, гэта творы расійскіх аўтараў, некаторыя — заходніх, такіх як Стывен Кінг, у перакладзе на расейскую мову.
Набор дзіцячых кніг у закупках даволі стандартны — савецкая класіка. Гэта такія творы, як «Залаты ключык, або Прыгоды Бураціна», «Аленький цветочек», «Айбаліт» і нават «Цімур і яго каманда». Зрэдку трапляюцца заходнія бэстсэлеры для дзяцей: напрыклад, «Маўглі», «Маленькі прынц».
Што тычыцца кніг для дарослых, то тут у трэндзе сучасныя расійскія аўтары — такія як Ганна Малышава. Сцвярджаецца, што яна быццам паспела выпусціць ужо звыш 40 раманаў. Гомельцам прапануюць серыю яе кніг «Авантурыстка», якая выпушчаная пад выглядам гістарычных раманаў і мякка прасоўвае каштоўнасці «рускага свету».
Астатнія кнігі — дэтэктывы, фэнтэзі, белетрыстыка. Конкурс на пастаўку кніг выйграла мінская прыватная фірма «БукЛайнГруп».
Цяпер чытаюць
Работніцы «Мінск-Арэны» далі калонію за «садзейнічанне экстрэмізму»2
Работніцы «Мінск-Арэны» далі калонію за «садзейнічанне экстрэмізму»
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары