У Ленінскае РУУС сталіцы звярнулася 63‑гадовая жыхарка раёна, якой на мабільны патэлефанавала махлярка і прадставілася работніцай паліклінікі.
Яна паведаміла: пенсіянерцы неабходна прайсці дыспансерызацыю. Але жанчына адказала, што не абслугоўваецца ў паліклініцы па месцы жыхарства. Зламысніца не разгубілася і папрасіла ў мінчанкі надыктаваць асабістыя даныя, каб «прыбраць яе са спісу даўжнікоў», паведамляе «Міліцыя Мінска».
Далей схема разгортвалася стандартна: патэлефанаваў ілжэправаахоўнік і паведаміў, што мінчанка размаўляла з махлярамі і цяпер ад яе імя адбываюцца незаконныя фінансавыя аперацыі, таму, к аб не стаць фігуранткай крымінальнай справы, ён пераканаў яе задэклараваць зберажэнні шляхам пераводу на адпаведны рахунак.
Жанчына сабрала больш за 8000 рублёў і пайшла ў банк, але касір западозрыла, што пенсіянерку падманулі ашуканцы, і звярнулася ў міліцыю.
Заведзена крымінальная справа за махлярства.
Цяпер чытаюць
Беларускага Сінюю Бараду адпусцілі з расійскай турмы паміраць дома2
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары