Выйшла расследаванне пра софт для сачэння за актывістамі ў сотні краін свету. Яго куплялі і беларускія ўлады
Журналісты з больш чым дзесяці выданняў апублікавалі расследаванне пра кампанію First Wap і яе праграму Altamides для схаванага сачэння за цікавымі для кагосьці асобамі праз іх мабільныя тэлефоны, піша Devby.io.
Назва праграмы Altamides расшыфроўваецца як Advanced Location Tracking and Mobile Information and Deception System («Прасунутая сістэма адсочвання месцазнаходжання, мабільнай інфармацыі і ўтойвання»). Яна дазваляе адсочваць лакацыі чалавека, аналізуе яго перамяшчэнні і перадае інфармацыю пра знаходжанне «заражаных» тэлефонаў у непасрэднай блізкасці адзін ад аднаго.
З часам праграма навучылася перахопліваць званкі і паведамленні, а таксама ўзломваць уліковыя запісы ў сацыяльных сетках і месенджарах, уключаючы WhatsApp.
First Wap была заснаваная аўстрыйскім эмігрантам Ёзэфам Фуксам у Інданезіі ў 1999 годзе. Пра яе дзейнасць журналісты Lighthouse Reports даведаліся дзякуючы архіву, які трапіў у іх распараджэнне ў мінулым годзе і ў асноўным тычыўся перыяду 2007‑2014 гадоў.
Altamides куплялі кліенты з Беларусі, Інданезіі, Малайзіі, Нігерыі, ААЭ, Саудаўскай Аравіі, Сінгапура і Узбекістана. Кампанія адмаўляе, што непасрэдна «прапаноўвала або прадавала» свае прадукты «рэпрэсіўным» рэжымам, але журналісты ўпэўненыя ў адваротным.
Пад прыцэл кліентаў кампаніі траплялі палітыкі, журналісты, зоркі і актывісты ў сотні краін свету. Напрыклад, сярод цэляў Altamides была жонка экс-прэзідэнта Сірыі Башара Асада Асма, эмір Катара шэйх Тамім бен Хамад Аль Тані, акцёр Джарэд Лета і сузаснавальніца біятэх-кампаніі 23andme Анна Вайчыцкі.
Як адзін айфон дапамог брытанскай паліцыі вылічыць банду, якую падазраюць у крадзяжы дзясяткаў тысяч тэлефонаў
У Расіі распрацавалі сістэму ананімнага адсочвання перамяшчэння людзей і аб'ектаў без біяметрыі
Расія выкарыстоўвала для дыверсій у Еўропе сэкс-цацкі
У Кітаі ствараюць самую магутную камеру назірання, якая будзе распазнаваць твары людзей за 100 кіламетраў
Новая нейрасетка лакалізуе чалавека ці яго дом па фота знутры кватэры за секунды
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары
Но ты верь в лучшее, твоих предложений достаточно для безопасности, а если нет то влёгкую танканёшь отсидку и друзей заложишь.
Калі мець не вельмі легальны доступ да SS7 (у даным выпадку дапамагаў мабільны аператар у Ліхтэнштэйне) можна адсочваць месцазнаходжанне любых абанентаў у свеце. Акрамя таго, у час, калі тэлефон не актыўны, можна імітаваць нібыта пераезд у роўмінг і праз гэта перахапіць SMS і званкі да вас. Вы гэта не заўважыце.
Ад часткі ўразлівасцей можна абараніцца, калі адключыць 2G у тэлефоне (ўключаць толькі пры неабходнасці ва ўмовах дрэннай якасці сувязі).
Астатняе больш залежыць ад бяспекі ў вашага мабільнага аператара, як ён фільтруе падазроныя запыты па SS7. А ўвогуле праблема знікне, толькі калі ўвесь свет пяройдзе на 5G і адключыць састарэлыя пратаколы.
Дагэтуль публічнасць вашага мабільнага нумара гуляе не ў ваш бок, а двухфактарная аўтэнтыфікацыя праз SMS (і ўвогуле SMS) не з'яўляецца надзейнай і бяспечнай.
Краіна-тэрарыст, як зараз Беларусь, можа адсочваць сваіх абанентаў па ўсяму свету і перахопліваць SMS і без злоўжыванняў пратаколам SS7. Бо праз SS7 можна падмануць вашага мабільнага аператара, а калі зламыснік (спецслужбы дзяржавы) кантралюе самога аператара, тое не трэба.