Германія спакойна паставілася да адмовы выдаць ёй падазраванага ў падрыве «Паўночнага патока»
Міністр замежных спраў Германіі Ёган Вадэфуль пракаментаваў пастанову польскага суда, які раней адмовіў нямецкаму боку ў экстрадыцыі грамадзяніна Украіны Уладзіміра Ж., якога падазраюць у падрыве газаправодаў «Паўночны паток». Заяву нямецкага міністра прыводзіць RMF24.
Вадэфуль адзначыў, што нямецкі бок паважае рашэнне суда ў Польшчы.
«У Польшчы судом была прынятая пастанова, якую я паважаю, бо мы прызнаем прынцып падзелу ўладаў», — сказаў ён.
Міністр дадаў, што роля выканаўчай улады не заключаецца ва ўмяшанні ў рашэнні судоў, «асабліва ў іншых краінах».
Раней паведамлялася, што Акруговы суд у Варшаве не пагадзіўся выдаць падазраванага ў падрыве газаправодаў Уладзіміра Ж. нямецкаму боку і адмяніў яго часовы арышт.
Украінца Уладзіміра Ж. затрымалі ў польскім Прушкаве 30 верасня на падставе нямецкага еўрапейскага ордара на арышт па справе аб выбухах на газаправодах «Паўночныя патокі». Мяркуючы па ўсім, гаворка ідзе пра Уладзіміра Жураўлёва, ордар на арышт якога Нямеччына выдала ў чэрвені 2024 года.
Польскі суд адмовіўся выдаваць Германіі абвінавачанага ў падрыве «Паўночнага патока»
Туск: Польшча не выдасць Германіі арыштаванага за падрыў «Паўночных патокаў»
У Польшчы затрымалі ўкраінца, якога падазраюць у падрыве «Паўночных патокаў»
Суд у Італіі дазволіў экстрадыцыю ў Германію меркаванага арганізатара падрыву газаправода «Паўночны паток»
Зяленскі: Рэтранслятары на мяжы Беларусі прыпынілі працу69
Каментары
Больш за тое, у Нямеччыне ўжо шматлкія палітыкі абурыліся рашэннем Польшы, да левых да правых. У Польшчы ўжо пішуць, ці часам не будзе ціхай дыпламатычнай вайны з немцамі. Можа варта было б напісаць што рэальна адбываецца, а не проста пра афіцыйную шырму?