У пятніцу, 17 кастрычніка, у Нацыянальным банку Беларусі адбыліся перамовы з прадстаўнікамі Міжнароднага валютнага фонду. Сустрэча прайшла ў анлайн-фармаце. Як паведамляе прэс-служба Нацбанка, гэта першыя перамовы з МВФ за 3,5 года.
Перамовы адбыліся па запрашэнні Вашынгтона.
— Па-першае, за апошнія гады з'явіўся шэраг пытанняў, якія неабходна абмеркаваць. А па-другое, прыняць шэраг рашэнняў для нашага далейшага плённага супрацоўніцтва, — сказаў першы намеснік старшыні праўлення Нацбанка Аляксандр Ягораў. — Мы гатовыя абмеркаваць усе пытанні.
Аляксандр Ягораў таксама дадаў, што Нацбанк падрыхтаваў да сустрэчы даклад аб цяперашняй макраэканамічнай сітуацыі, каб праінфармаваць Фонд аб тых тэндэнцыях, што адбываюцца ў грашова-крэдытнай сферы.
Беларусь з’яўляецца членам МВФ з 1992 года. За гэты час наша краіна атрымала падтрымку $3,8 млрд. Апошні крэдыт быў выдадзены ў 2009—2010 гадах на $3,5 млрд.
Беларусь поўнасцю разлічылася з МВФ. Зараз наша краіна не рэалізуе фінансавыя праекты з Фондам.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА108
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары