Агенцтва ўнутранай бяспекі Польшчы затрымала восем чалавек, падазраваных у падрыхтоўцы дыверсій. Пра гэта паведаміў прэм’ер-міністр краіны Дональд Туск.
«ABW у супрацоўніцтве з іншымі службамі затрымала ў апошнія дні ў розных частках краіны васьмярых чалавек, падазраваных у падрыхтоўцы дыверсій. Справа развіваецца. Праводзяцца далейшыя аператыўныя мерапрыемствы», — напісаў Туск у сетцы X.
Міністр-каардынатар спецслужбаў Томаш Семоняк дапоўніў польскага прэм’ера. Паводле яго слоў, гаворка ідзе пра разведку ваенных аб’ектаў і аб’ектаў крытычнай інфраструктуры, падрыхтоўку сродкаў для правядзення дыверсій і іх непасрэдную рэалізацыю, піша Reform.news
«Агенцтва ўнутранай бяспекі цесна супрацоўнічае са Службай ваеннай контрразведкі, паліцыяй і пракуратурай», — дадаў ён.
Міністр унутраных спраў і адміністрацыі Польшчы Марцін Кервіньскі ў эфіры Radio Zet таксама паведаміў, што гаворка ідзе пра дыверсіі і збор інфармацыі пра крытычную інфраструктуру.
«Мы назіраем гэта ўжо некалькі месяцаў. Назіраецца павышаная цікавасць да такога тыпу інфраструктуры. Ну, як я ўжо казаў, спецслужбы тут вельмі, вельмі актыўныя. Пераважная большасць такіх спроб спыняецца на ранняй стадыі», — адзначыў ён.
Паводле яго слоў, у большасці выпадкаў за такімі дзеяннямі стаяць расійскія спецслужбы. Кервіньскі лічыць, што РФ увайшла ў стадыю «халоднай вайны» з Еўрасаюзам, на што паказваюць здарэнні з беспілотнікамі.
«Відавочна, што Расія пастаянна праводзіць праверкі, пастаянна сочыць за рэакцыяй дзяржаў-членаў. І мы знаходзімся на перадавой», — сказаў ён.
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары