Ініцыятыва Dogs of Chernobyl паказала ў сваім тыктоку сабак з незвычайнай поўсцю.
Сабак з сіняй шэрсцю валанцёры заўважылі ва ўкраінскім Чарнобылі некалькі тыдняў таму. У сацсетках многія не паверылі сапраўднасці відэа і абвінавацілі Dogs of Chernobyl («Сабак Чарнобыля») у распаўсюджванні фэйкавых кадраў.
«Для тых з вас, хто каментуе, што мы падрабляем гэтыя фатаграфіі, або што мы наўмысна апырскваем або забіваем гэтых сабак, наўмысна адлоўліваем іх, каб пафарбаваць, каб зарабіць грошы, або распаўсюджваем ілжывую інфармацыю, я не ведаю, што вам сказаць, акрамя таго, што ў нас няма часу на гэта», — адказваюць на гэта валанцёры.
Па словах каманды «Сабак Чарнобыля», сіняя шэрсць у жывёл — гэта вынік таго, што яны запэцкаліся, а не ўздзеяння на іх радыяцыі.
Каментары