У Ленінскім раёне жанчына выпала з акна шматпавярховіка, ва Фрунзенскім раёне на вуліцы памёр мужчына.
У інтэрнэце з’явілася відэа цела жанчыны, якая, паводле слоў відавочцаў, выпала з дома. Інцыдэнт адбыўся ўдзень 30 кастрычніка на праспекце Ракасоўскага, 17/2, дзе жанчына выпала з 7‑га паверха. Факт пацвердзілі ва Упраўленні СК па Мінску, аднак пра дакладныя абставіны казаць заўчасна, паведамляюць «Мінск-навіны».
— З прыкметамі падзення з вышыні каля шматпавярховага дома на праспекце Ракасоўскага выяўлена цела 43‑гадовай жанчыны, — распавялі ў СК.
Даследаванні прызначаны і па факце смерці мужчыны 30 кастрычніка на вуліцы ў Фрунзенскім раёне. Адпаведныя фота трупа з’явіліся ў інтэрнэце.
— Паводле звестак следства, паблізу дома № 19 на вул. Кунцаўшчына выяўлена цела 60‑гадовага мужчыны. Устаноўлена, што смерць не носіць крымінальнага характару, — дадалі следчыя.
Каментары