Пентагон даў згоду на перадачу Украіне крылатых ракет Tomahawk, зрабіўшы выснову, што гэта не падарве абараназдольнасці ЗША, піша CNN са спасылкай на свае крыніцы. Аднак канчатковы дазвол павінен падпісаць прэзідэнт ЗША Дональд Трамп.
Фота: National Air and Space Museum
Сам Трамп на сустрэчы з прэзідэнтам Украіны Уладзімірам Зяленскім не даў адносна паставак прамога адказу, заявіўшы, што ракеты важныя і для самой Амерыкі.
Па даных CNN, для паскарэння дастаўкі ўжо падрыхтаваны аператыўны план: на выпадак падпісання рашэння прадугледжаны «хуткі маршрут» паставак.
Паралельна ў Пентагоне распрацавалі спецыяльныя наземныя пускавыя ўстаноўкі — паколькі ў ВМС Украіны цяпер недастаткова платформаў для эфектыўнага запуску ракет з караблёў або падлодак.
Каментары