Датэрмінова прыбралі з сенатараў былога дырэктара Гродзенскага мясакамбіната
У канцы кастрычніка Алега Іванова звольнілі і з пасады дырэктара прадпрыемства.
Савет Рэспублікі датэрмінова спыніў паўнамоцтвы члена СР восьмага склікання Алега Іванова. Дакумент сёння зарэгістраваны ў Нацыянальным рэестры прававых актаў. Ён яшчэ не апублікаваны, таму матывацыя пакуль невядомая, заўважыў Refrom.news.
Алег Іваноў быў генеральным дырэктарам ААТ «Гродзенскі мясакамбінат» да канца кастрычніка 2025 года. Крыху больш за тыдзень таму стала вядома, што прадпрыемства ўзначаліла Вольга Янушка, якая да гэтага працавала генеральным дырэктарам ААТ «Ваўкавыскі мясакамбінат».
У верасні-кастрычніку МУС і КДК двойчы паведамлялі пра затрыманні на мясакамбінатах у сувязі з карупцыйнымі злачынствамі. У абодвух выпадках пра поспехі паведамлялі падраздзяленні па Мінскай вобласці. Магчыма, справа пайшла далей.
Алег Іваноў стаў шырока вядомым на постсавецкай прасторы, дзякуючы артыкулу на канале «Гродна Плюс».
У матэрыяле Іваноў адказваў на пытанне аб сакрэтным інгрэдыенце каўбасы. «Усё пытанне ў людзях і іх адказнасці да той справы, якой яны вырашылі займацца на розных этапах. Таму што людзі Гродна, Гродзеншчыны — працавітыя, працаздольныя, яны хочуць пры вытворчасці зрабіць так, каб гэта было якасна», — адказаў Іваноў.
Рэзанансны матэрыял выйшаў пад загалоўкам «Сакрэтны інгрэдыент найлепшай каўбасы — людзі».
Цяпер чытаюць
У Беларусі знайшлі копію швейцарскіх Альпаў — але турыстаў там не чакаюць2
Каментары