Амерыканскі шатдаўн паралізаваў пастаўкі зброі: пад пагрозай і дапамога Украіне
Праз працяглае прыпыненне працы федэральнага ўрада ЗША прыпынілі пастаўкі ўзбраення сваім саюзнікам у НАТА. Замарожаныя кантракты на пастаўку зброі агульным коштам больш за 5 мільярдаў долараў, якая магла быць перанакіраваная ва Украіну.
Пра гэта піша амерыканскае выданне Axios са спасылкай на Дзярждэпартамент ЗША.
Паводле даных журналістаў, пад замарозку трапілі кантракты на агульную суму больш за 5 мільярдаў долараў. Гэта ў тым ліку ракеты AMRAAM, сістэмы супрацьпаветранай абароны Aegis і рэактыўныя ўстаноўкі HIMARS, прызначаныя для Даніі, Харватыі і Польшчы.
Axios адзначае, што канчатковыя атрымальнікі гэтай зброі дакладна невядомыя. Аднак, з улікам дзейнай схемы падтрымкі Украіны, калі краіны НАТА закупаюць амерыканскія ўзбраенні і перадаюць іх Кіеву, затрымка можа непасрэдна паўплываць на ўкраінскую армію.
Шатдаўн у ЗША пачаўся 1 кастрычніка 2025 года, калі Кангрэс не здолеў узгадніць новы федэральны бюджэт. Гэта прывяло да частковага спынення працы дзяржаўных ведамстваў, у тым ліку Дзярждэпартамента, які адказвае за выдачу ліцэнзій на экспарт зброі.
Паколькі без гэтых дазволаў любыя пастаўкі немагчымыя, экспарт амерыканскага ўзбраення быў фактычна паралізаваны. Шатдаўн доўжыцца ўжо больш за 40 дзён, стаўшы самым працяглым у гісторыі краіны.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары