Беларуса, які стварыў у Расіі бізнэс з мільённымі абаротамі, асудзілі за палітыку. Магчыма, за Гаюн
Аляксей Прохарчык займаўся ў Падмаскоўі электрамантажнымі работамі і будаўніцтвам.
Аляксею Прохарчыку 37 гадоў. Ён беларус, родам з Мінска. У 2010‑м скончыў Вышэйшы дзяржаўны каледж сувязі на інжынера па тэлекамунікацыях.
Працаваць ён пачаў яшчэ ў студэнцкія гады. Спачатку ў «Белтэлекаме», пасля інжынерам у Мінскім абласным судзе.
У 2017‑м Прохарчык заснаваў у Расіі таварыства з абмежаванай адказнасцю «ЭСіС». Абрэвіятура расшыфроўваецца як «энергетычныя сістэмы і сеткі».
Асноўная сфера яе дзейнасці — электрамантажныя работы і будаўніцтва. У «ЭСіС» працуе больш за 40 чалавек. У мінулым годзе кампанія мела абарот каля 4 мільёнаў даляраў.
Прохарчык быў там дырэктарам з моманту заснавання да 27 студзеня 2025-га.
З жонкай, якая працуе стылісткай, яны жывуць у падмаскоўным Краснагорску. У іх двое дзяцей — 7‑гадовая дачка і 13‑гадовы сын. Сям'я любіць падарожнічаць разам.
Аляксея Прохарчыка асудзілі ў 2025 годзе па дзвюх частках артыкула 361‑4 Крымінальнага кодэкса — «садзейнічанне экстрэмісцкай дзейнасці». Меркавана, мужчыну далі тэрмін у калоніі ці хімію з накіраваннем.
Сутнасць абвінавачанняў таксама невядомая, але, імаверна, пераслед звязаны са справай Гаюна.
«Наша Нiва» — бастыён беларушчыны
ПАДТРЫМАЦЬЦяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары