Былая прэм’ер-міністарка Ісландыі, а адначасова пісьменніца Катрын Якабсдоцір заявіла, што ісландская мова можа апынуцца пад пагрозай знікнення ўжо на працягу аднаго пакалення. Прычынай яна лічыць хуткае развіццё штучнага інтэлекту і дамінаванне англійскай мовы ў медыя і сацсетках, піша The Guardian.
Падчас выступлення на літаратурным фестывалі Iceland Noir у Рэйк’явіку пасля выхаду яе другога рамана палітык адзначыла, што ў краіне адбываюцца «радыкальныя» змены: усё больш людзей чытае і размаўляе па-англійску, а ісландская выкарыстоўваецца радзей. Паводле яе слоў, праз гэта разам з мовай могуць знікаць каштоўнасці і ўнікальнае мысленне народа.
Ісландскай мовай валодаюць усяго каля 350 тысяч чалавек, і яна лічыцца адной з найбольш захаваных з часоў старажытнасці ў свеце. Але Якабсдоцір лічыць, што краіна робіць недастаткова для яе падтрымання, а моладзь сёння літаральна «апаясаная» англамоўным кантэнтам.
Яна таксама адзначыла, што Ісландыя актыўна спрабуе развіваць выкарыстанне штучнага інтэлекту на роднай мове. У прыватнасці, Міністэрства адукацыі разам са стартапам Anthropic запусціла адзін з першых нацыянальных адукацыйных праектаў, у межах якога сотні настаўнікаў атрымаюць доступ да інструментаў штучнага інтэлекту.
У выступленні Якабсдоцір узгадала часы, калі краіна была пад уладай Даніі і ісландская мова перажывала моцны дацкі ўплыў. Тады сітуацыю ўдалося выправіць дзякуючы моцнаму нацыянальнаму руху. На яе думку, цяпер Ісландыі зноў патрэбная падобная падтрымка мовы, бо стаўленне да яе ўплывае на мысленне людзей і можа вызначыць будучыню ўсёй нацыі.
Ісландская міністарка па справах дзяцей пайшла ў адстаўку, бо нарадзіла ад непаўналетняга
«Як выйду на пенсію, то хачу жыць ў доме для састарэлых». Беларуска расказала пра жыццё і працу ў Ісландыі
«У Ісландыі ёсць правіла, якому магла б пазайздросціць нават хунта ў Беларусі»
Выйшла кніга ісландскай паэзіі па-беларуску
Tinder з праверкай на інцэст, селядзец у цукры і батуты, якія могуць прыляцець на галаву. Беларуска расказала пра жыццё ў Ісландыі
Цяпер чытаюць
Як рыхтаваўся візіт Ціханоўскай у Кіеў і чаму ён некалькі разоў пераносіўся14
Каментары