Палітыка трымаюць у аддзяленні інтэнсіўнай тэрапіі, расказала «Нашай Ніве» Іна Кулей, яго жонка.
Пасля выдалення тромба падчас аперацыі ў Аляксандра Мілінкевіча ўтварыўся моцны крывацёк.
«Аляксандр у рэанімацыі, стан вельмі цяжкі. Аперацыя стэнтавання была на соннай артэрыі, дзе 80% прасвету было закрыта тромбам. Калі яго выдалілі, то як шлюз адкрыўся — крывацёк вельмі напружаны, ціск вельмі высокі», — напісала ўчора Іна Кулей.
«Я бясконца веру, што з Божай дапамогай яго арганізм мусіць справіцца. Веру і малюся», — піша яна.
Аляксандру Мілінкевічу цяпер 78 гадоў. Ён сам з Гродна, у 1990‑-1996 годзе быў намеснікам старшыні Гродзенскага гарвыканкама, у той час моцна паспрыяў беларусізацыі ў горадзе. У 2006 годзе быў кандыдатам ад дэмакратычнай апазіцыі са статусам «адзінага» на прэзідэнцкіх выбарах. Пасля стварыў грамадскі рух «За Свабоду» і да 2016 года быў ягоным кіраўніком. У апошнія гады з'яўляецца пазаштатным дарадцам Святланы Ціханоўскай, адным з арганізатараў «Вольнага беларускага ўніверсітэта».
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам10
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў77
Каментары