Карлас Алос пакідае пасаду галоўнага трэнера Беларусі па футболе, паведамляе «Прессбол».
Іспанец трэніраваў зборную Беларусі са жніўня 2023 года. Пад яго кіраўніцтвам нацыянальная дружына правяла 26 матчаў, у якіх атрымала 6 перамог, 10 разоў згуляла ўнічыю і пацярпела 10 паражэнняў.
У адборы да чэмпіянату Еўропы 2024 года Алос прыйшоў на сярэдзіне кваліфікацыі, пры ім каманда двойчы выйграла, згуляла тры нічыі, мела адну паразу і фінішавала чацвертай у групе следам за зборнымі Румыніі, Швейцарыі і Ізраіля і апярэдзіўшы Косава і Андору.
У адборы да чэмпіянату свету 2026 у каманды было чатыры паразы: ад Грэцыі (1:5), Даніі (0:6) і Шатландыі (0:2, 1:2), а потым дзве нічыі з Даніяй (2:2) і Грэцыяй (0:0) і апошняе месца ў групе. Перад пачаткам адбору перад зборнай ставілася нерэальная задача заняць у групе другое месца.
Адбор на наступны чэмпіянат Еўропы па футболе, які плануецца ў 2028 годзе ў Вялікабрытаніі і Ірландыі, пройдзе ў 2027 годзе, але ўвосень 2026 года пройдуць матчы Лігі нацый.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары