Культура22

Неглюбскія ручнікі ўнесеныя ў спіс нематэрыяльнай спадчыны ЮНЕСКА

У аўторак Міжурадавы камітэт па ахове нематэрыяльнай культурнай спадчыны ўключыў элемент нематэрыяльнай культурнай спадчыны «Неглюбская тэкстыльная традыцыя Веткаўскага раёна Гомельскай вобласці» ў Спіс ЮНЕСКА, паведамляе МЗС.

Фота: МЗС

Рашэнне было прынятае падчас 20‑й сесіі ў Нью-Дэлі.

Неглюбская тэкстыльная традыцыя Веткаўскага раёна — унікальная з’ява беларускай народнай культуры, якая захавала архаічныя рысы і складаныя сімвалы.

«Традыцыя сфармавалася ў XVII стагоддзі і ахоплівае стварэнне ручнікоў, прадметаў адзення і інтэр’еру з выкарыстаннем самабытных тэхнік ткацтва і вышыўкі.

Асаблівую вядомасць набылі неглюбскія ручнікі, якія адрозніваюцца складанай паліхромнай гамай (да 25 адценняў) і багатай арнаментальнай спадчынай, што налічвае больш як 120 узораў. Геаметрычныя і раслінныя арнаменты («крывулі», «павукі», «яблынька») нясуць у сабе зашыфраваныя пажаданні дабра, кахання, дабрабыту і здароўя. А ўнікальнасць тэхнікі, пры якой ткацтва вядзецца з выварату, забяспечвае непаўторнасць кожнага вырабу», — гаворыцца ў паведамленні МЗС. 

Раней неглюбскія ручнікі ўжо былі прызнаныя аб’ектам гісторыка-культурнай спадчыны Беларусі.

Цяпер спісы нематэрыяльнай культурнай спадчыны ЮНЕСКА налічваюць сем беларускіх элементаў.

Раней у іх былі ўключаны: святочны калядны абрад «Калядныя цары» ў вёсцы Семежава (2009 год), «Урачыстасць у гонар ушанавання Абраза Маці Божай Будслаўскай (Будслаўскі фэст)» у вёсцы Будслаў (2018 год), «Юр’еўскі карагод» у вёсцы Пагост Жыткавіцкага раёна (2019 год), культура бортніцтва (2020 год), саломапляценне (2022 год), «Выцінанка — традыцыйнае мастацтва выразання з паперы ў Беларусі» (2024 год).

Каментары2

  • Ёсік
    09.12.2025
    Дык спалучэньне ЧЗ колераў было раней, ці гэта новы трэнд у Неглюбскай традыцыі ткацтва?
  • .
    10.12.2025
    Было. Няўжо не бачылі раней?
    Да сучасных спроб зрабіць "блакітны" або "чырвона-зялёны" арнамент не мае адносін.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць