Беларускіх і расійскіх пілотаў трэці дзень утрымліваюць у Тунісе без тлумачэння прычын. У іх адабралі пашпарты
Экіпаж верталёта Мі-26, які ляцеў ва Уганду, ужо больш за 48 гадзін утрымліваюць у аэрапорце Джэрба. У беларусаў і іх расійскіх калег забралі пашпарты, яны чакаюць дапамогі ад дыпламатаў.
Паводле звестак «Базы», у аэрапорце Джэрба затрыманы экіпаж верталёта Мі-26, які пераганяў верталёт ва Уганду і прыляцеў у Туніс на запланаваны прыпынак.
У групе дзевяць чалавек: сем расіян і двое грамадзян Беларусі. Пяцёра з іх — лётны экіпаж, яшчэ чацвёра адказваюць за тэхнічнае абслугоўванне верталёта.
Усе яны працуюць паводле кантракту з ААН у «Кіргізскай авіякампаніі».
Як распавёў «Базе» пілот Сяргей Суслаў, пасля прыбыцця ў Джэрбу людзей не выпусцілі з аэрапорта. З ягоных слоў, у чальцоў экіпажа забралі пашпарты, а афіцыйных падстаў для затрымання ім дагэтуль не выставілі.
Нягледзячы на тое, што гатэлі для экіпажа былі аплачаны загадзя, пакідаць будынак паветранай гавані ім не дазваляюць. Ужо трэці дзень людзям даводзіцца начаваць проста ў будынку аэрапорта. Зараз экіпаж чакае дапамогі ад консульства.
Цяпер чытаюць
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма7
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары