Польская армія перахапіла расійскі самалёт над Балтыкай і зафіксавала зонды з Беларусі
Раніцай над міжнароднымі водамі Балтыйскага мора польскія знішчальнікі перахапілі і вывелі за межы зоны адказнасці разведвальны самалёт РФ, паведамляе Аператыўнае камандаванне УС Польшчы.
Ілюстрацыйнае фота
Таксама Аператыўнае камандаванне паведамляе пра ўлёты ў паветраную прастору Польшчы аб’ектаў з Беларусі. Хутчэй за ўсё, гэта кантрабандныя паветраныя шары, якія рухаліся ў адпаведнасці з напрамкам і хуткасцю ветру.
Для бяспекі частка паветранай прасторы над Падляскім ваяводствам была часова закрытая для грамадзянскага паветранага руху.
Каментары