Меркаванні152152

Пазняк назваў супольны інтарэс Германіі і Расіі. Гэта анексія Беларусі

Ветэран беларускай палітыкі Зянон Пазняк апублікаваў новы пост «Аб ролі наёмнікаў у палітыцы», у якім выступіў з рэзкай крытыкай Офіса Святланы Ціханоўскай і еўрапейскай дыпламатыі. Ён называе прадстаўнікоў дэмакратычных сіл «наёмнікамі», якія, на яго думку, з'яўляюцца інструментам нямецкай палітыкі, скіраванай на ліквідацыю беларускай дзяржаўнасці праз саюз з «дэмакратычнай Расіяй».

Пазняк сцвярджае, што Германія зацікаўленая ў далучэнні Беларусі да Расіі дзеля атрымання таннага доступу да энергарэсурсаў. Офіс Ціханоўскай ён называе «проксі-групай», якая фінансуецца Еўразвязам для рэалізацыі гэтай стратэгіі.

«Сутнасцю нямецкай пазіцыі з'яўляецца ліквідацыя беларускай дзяржавы шляхам уключэння яе ў склад Расеі.

Эканамічным інтарэсам такой палітыкі есць танны доступ да расейскіх энергарэсурсаў — нафты і газу.

Палітычным інтарэсам — з'яўляецца ціск на Польшчу (вырашэнне застарэлых і пастаянных праблемаў).

Метадам — з'яўляецца падтрымка барацьбы супраць дыктатуры шляхам стварэння залежнай ад Нямеччыны (Еўразвязу) антырэжымнай і прарасейскай апазіцыі ў Беларусі.

Прыладай, інструментам ліквідацыі з'яўляецца абстрактнае патрабаванне дэмакратыі без уліку беларускіх нацыянальных інтарэсаў і нацыянальнага існавання з мэтай злучэння з «дэмакратычнай» Расеяй, якую раней фальшыва называлі «дэмакратыяй», — піша Пазняк. 

Палітык лічыць, што эканамічныя санкцыі не знішчаюць дыктатуру, а толькі штурхаюць беларускую эканоміку і грамадства ў бок Расіі.

Пазняк вінаваціць еўрапейскіх лідараў у тым, што яны выкарыстоўваюць з гэтых мэт «фікцыю фігуры Святланы Ціханоўскай у якасці нібыта выбранай асобы на прэзідэнта Беларусі». 

«Дзеянні еўразвязаўскай палітыкі Нямеччыны прадуманыя сістэмна і традыцыйна. З 2020 года Еўразвяз узяў пад фінансавае забеспячэнне вывезеную ў Летуву групу прарасейскай газпрамаўскай электаральнай апазіцыі. Прытым, была сведама падтрымана фікцыя фігуры Святланы Ціханоўскай у якасці нібыта выбранай асобы на прэзідэнта Беларусі (што рэальна і юрыдычна нічым не было пацверджана). Палітычны спектакль з «прэзідэнткай» разыгрываўся пяць гадоў і, фактычна, яшчэ працягваецца па сённяшні дзень», — піша Пазняк.

Палітык кажа, што каманда Ціханоўскай патрабуе санкцый, якія шкодзяць народу, каб пазней «уехаць у Беларусь на плячах еўрапалітыкаў» — «каб у час упадку рэжыму Лукашэнкі і раптоўных перамен еўразьвязаўскім палітычным дзеячам можна б было легальна ўехаць на плячах сваёй наёмнай «апазыцыі» ў Беларусь і ўстанаўліваць там «дэмакратыю» — без нацыі і без Беларусі». 

«Добра зразумела, што там, дзе ў Беларусі з'яўляецца Нямеччына (Еўразвяз), — там ужо будзе і Расея, і супольныя інтарэсы, якія звычайна прыводзяць да палітыкі анексіі пад выглядам аб'яднаньня з «дэмакратычнай Расеяй». Гэтакая палітыка Нямеччыны супраць Беларусі пад дахам Брусэля даўно ўжо, як кажуць, есць сакрэтам Палішынеля», — даводзіць Пазняк.

Але, піша ветеран беларускага руху, «наёмнікі» не маюць шанцаў на поспех у будучыні, і ў краіне іх «ніхто не чакае».

«Значэнне мае фінал наёмніцтва — куды яны хочуць прыехаць і каго з сабой прывезці, — якія будуць вырашаць лёс Беларусі «вместе с Россіей». Я ўжо не кажу пра паралельныя хваробы заходняга грамадства (якія «прыедуць» услед), — прыярытэты палавой збочанасці, геданізм, бязбожжа ды маральнае абдурэнне грамадства. Але калі паўстане рэчаіснасць «вместе с Россіей», тады гэта ўсё ўжо не будзе мець значэння.

Тут паўтаруся. Шкоды наёмнікі яшчэ могуць нарабіць. Толькі з задуманага супраць Беларусі нічога не атрымаецца. Ніхто іх у Беларусі не чакае. І тым больш іхных еўра-нямецкіх піяршчыкаў, якія нагадзілі беларусам сваімі эканамічнымі санкцыямі. Пакіньце нават надзеі, панове еўра-палітыкі, у вольнай Беларусі панам не будзе чаго рабіць.

У Беларусі ёсць сілы, якія здольныя пасадзіць наёмных імітатараў за краты, як толькі яны ступяць нагой на зямлю. Таксама ёсць рэчы, якія немцам — не зразумець. Бо не дадзена», — напісаў Пазняк.

Каментары152

  • бабруйчанін
    18.01.2026
    Параноя ???Тэорыя " змоў" але
    У канцы 80 х пачатку 90х кдб інфільтравалі у нацыальна вызвольныя структуры
    Раней зараз яшчэ болей часу ))
    Асэнсавал пасля з'яўлення зноў вецерана 80- 90 х усё яго словы дзеяння накіраваны на раз'яднанне разбурэнне звязаў аб'яднанняў ганьбаванне Асоб лідэраў усіх
    Дзеяння таксама ..усё праср..на
    І сённяшні ўзрост гэта ні індульгенцыя ён заўсёды был такі
    Тое што ён кажа гават " агент уплыва внедрення" ні здольны зрабіць нейкі Азэф Адкуль ён на нашу галаву усплыло
    І что у + " стацця аб імперыалізьмі" Курапаты..
  • +
    18.01.2026
    Згодзен з кожнай літарай.
  • Пазняк мае рацыю
    18.01.2026
    Згода. Колькі пмж далі фрыцы беларусам?

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»41

Стала вядома, як будзе выглядаць выпраўленая скульптура беларускай жанчыны ў Быхаве19

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай93

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць