Грамадства11

Журналісту Алегу Супрунюку ў калоніі не даюць карыстацца слыхавым апаратам

Асуджанага за прафесійную дзейнасць журналіста Алега Супрунюка накіравалі адбываць прысуд у магілёўскую калонію № 15. Былы палітвязень Аляксандр Фядута, які быў вызвалены з той жа самай калоніі і выдвараны з Беларусі ў снежні мінулага года, расказаў Беларускай асацыяцыі журналістаў, як сустрэўся з Супрунюком за кратамі.

Журналіст Алег Супрунюк. Фота з асабістага архіва

Са слоў Аляксандра Фядуты, ён двойчы размаўляў з Алегам Супрунюком у лістападзе 2025 года.

Аказалася, што журналісту, які мае інваліднасць па слыху, у калоніі не далі магчымасці карыстацца слыхавым апаратам. З гэтай прычыны спадар Алег практычна нічога не чуў і меў вялізныя праблемы ў камунікацыі з іншымі людзьмі.

«Спачатку мы адзін аднаго не пазналі. Толькі на трэці дзень я запытаўся ў яго: «Вы — журналіст?». «А вы — Фядута?», — спытаў у адказ Алег Супрунюк. Слыхавога апарата ён не меў і быў цалкам глухі. Я размаўляў з ім так, каб ён мог чытаць па вуснах. Іншыя зняволеныя так, на жаль, не ўмеюць, і таму Супрунюку нават не было з кім паразмаўляць», — расказаў Аляксандр Фядута.

З тых кароткіх размоў спадар Аляксандр даведаўся, што за непрацяглы час знаходжання ў калоніі журналіст ужо пабываў у штрафным ізалятары.

У калоніі Алега Супрунюка размеркавалі падмятаць падлогу на вытворчасці. Гэта праца, якую звычайна даюць фізічна аслабленым вязням. Паводле слоў Фядуты, іншыя вязні ставяцца да яго добразычліва і спагадліва — разумеюць, што праз глухату і без слыхавога апарата яму цяжка камунікаваць. У вольны час Алег, як і ўсе, шмат чытае — «нават больш за іншых, бо бавіць час у размовах ён не можа, а таму застаецца практычна ў адзіноце».

Ці вырашылася з таго часу ў журналіста праблема з немагчымасцю карыстацца жыццёва важнай для яго медыцынскай прыладай — на сёння невядома.

Алег Супрунюк — 58‑гадовы журналіст з Брэста. За час у прафесіі ён працаваў у газеце «Брестский курьер», анлайн-выданні «Пёршы рэгіён», супрацоўнічаў з іншымі незалежнымі выданнямі. Яго затрымалі ў студзені 2025 года, і амаль пяць месяцаў пра лёс журналіста нічога не было вядома.

Толькі ў пачатку ліпеня пракуратура Брэсцкай вобласці распаўсюдзіла інфармацыю, што ў суд накіраваная крымінальная справа, распачатая супраць жыхара Брэста паводле часткі 3 артыкула 361—1 Крымінальнага кодэкса. Ведамства не назвала імя і прозвішча абвінавачанага, толькі сцвярджала, што не пазней кастрычніка 2023 года мужчына ўвайшоў у склад «Беларускай асацыяцыі журналістаў», прызнанай «экстрэмісцкім фармаваннем» рашэннем КДБ ад 28 лютага 2023 года.

8 жніўня 2025 года Алег Супрунюк быў асуджаны да 3 гадоў пазбаўлення волі з адбыццём у калоніі агульнага рэжыму. Суд Брэсцкай вобласці прызнаў яго вінаватым ва «ўдзеле ў экстрэмісцкім фармаванні» (паводле ч. 3 арт. 361—1 КК РБ). У мінулым кастрычніку імя журналіста з’явілася на сайце МУС у пераліку асоб, «датычных да экстрэмісцкай дзейнасці». Беларуская праваабарончая супольнасць лічыць Алега Супрунюка палітычным зняволеным.

Каментары1

  • Ёсік
    19.01.2026
    Якія нелюдзі ў сістэме пакараньня. Нехта аб люстрацыі да іх кажа. Зьнішчэньне, толькі так магчыма нешта пабудаваць, што будзе адрознівацца ад метадаў НКУС. Спадарства, няўжо не зразумела, што лукашэнка захрас у СССР, і ўсё адтуль прыцягнуў, і хоча, каб гэтае га.но тутака расьцяклося і прыжылося. Ён атачыў сябе цэрберамі, якія таксама ненавідзяць беларусаў, і на нашыя кветачкі ды здыманьне абутку перад лавай, будуць з задавальненьнем страляць у беларусаў. Паверце, жонка шуневіча пагодзіцца не толькі на здабычу мядзьведзя ды рысі.

Цяпер чытаюць

Крымскі мост зруйнаваны ўдарам ракет «Фламінга»12

Крымскі мост зруйнаваны ўдарам ракет «Фламінга»

Усе навіны →
Усе навіны

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

«Памятнік жэртвам фашызму»: у Азарычах з’явіўся дзіўны ўказальнік28

Новы вобраз Міхалка. Як прайшоў канцэрт «Ляпіса Трубяцкога» ў Берліне23

больш чытаных навін
больш лайканых навін

Крымскі мост зруйнаваны ўдарам ракет «Фламінга»12

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць