Футбалісты «Манчэстэр Сіці» вернуць заўзятарам грошы за квіткі пасля нечаканай гасцявой паразы ў Лізе чэмпіёнаў
«Манчэстэр Сіці» 20 студзеня прайграў у гасцях у матчы Лігі чэмпіёнаў нарвежскаму «Будэ-Глімт» з лікам 3:1.
Футбалісты «Сіці» перад трыбунай са сваімі заўзятарамі. Фота: Michael Regan — UEFA/UEFA via Getty Images
Вынік, мякка кажучы, расчараваў фанатаў, асабліва ўлічваючы, што ім давялося дабірацца ў маленькі горад за Палярным колам.
Таму вядучыя гульцы англійскай каманды — Эрлінг Холанд, Бернарду Сілва, Рубен Дыяш і Родры — заявілі, што вернуць 374 заўзятарам грошы за квіткі.
«Мы ведаем, на якія ахвяры ідуць нашы заўзятары, падарожнічаючы па ўсім свеце, каб падтрымаць нас, і мы ніколі не ўспрымаем гэта як нешта зразумелае.
Аплата кошту квіткоў для тых, хто прыехаў у Будэ, — гэта найменшае, што мы можам зрабіць», — заявілі гульцы.
Агульны кошт квіткоў для прыехаўшых на выязны матч — каля 12,5 тысячы даляраў.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»6
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць99
Каментары