Прэзідэнт ЗША Дональд Трамп абвясціў аб павышэнні імпартных мыт на тавары з Паўднёвай Карэі з 15% да 25%. Трамп абвінаваціў заканадаўцаў у Сеуле ў тым, што яны да гэтага часу не ратыфікавалі «гістарычную здзелку», дасягнутую паміж лідарамі дзвюх краін летам 2025 года.
Пад удар трапілі ключавыя пазіцыі карэйскага экспарту: аўтамабілі, фармацэўтыка, электроніка. Трамп настойвае, што Вашынгтон выканаў сваю частку абавязацельстваў, знізіўшы тарыфы раней, і цяпер чакае ўзаемнасці. «Заканадаўчы орган Карэі не выконвае сваю ўгоду са Злучанымі Штатамі. Чаму яны яе дагэтуль не ўхвалілі?» — напісаў прэзідэнт ЗША ў сваёй сацсетцы Truth Social.
Рэакцыя рынкаў была імгненнай: акцыі аўтамабільнага гіганта Hyundai абваліліся больш чым на 2,2%, а асноўны індэкс карэйскай біржы KOSPI страціў каля 1%. Урад Паўднёвай Карэі ўжо склікаў экстранную нараду. Міністр гандлю краіны тэрмінова вылятае ў Вашынгтон, каб паспрабаваць урэгуляваць канфлікт і пацвердзіць гатоўнасць Сеула да выканання дамоўленасцяў.
Аднак сітуацыя застаецца няпэўнай, бо ў самім Сеуле намагаюць, што пагадненне было мемарандумам і не патрабавала асобнага зацвярджэння парламентам.
Заява Трампа з'явілася пасля шэрагу нядаўніх пагроз увядзення тарыфаў, у тым ліку 100% тарыфаў на канадскія тавары і дадатковага 10% збору для краін, якія выступаюць супраць яго амбіцый адносна Грэнландыі.
Цяпер чытаюць
Былы палітвязень знайшоў у Вільні падпрацоўку ў чаце — і трапіў пад крыміналку за правакацыі супраць Украіны8
Каментары
А ведь предупреждали же, что это за рыжая голова....